Ilary Blasi është rikthyer të flasë, me “shigjeta” në rrjetet sociale për atë që ndodhi në stadiumin “Tre Fontane”, me rastin e ndeshjes ndërmjet Romës dhe Frosinone (të rinjve).

Prezantuesja dhe ish-bashkëshorti i saj Francesco Totti ishin të dy të pranishëm për të parë debutimin e djalit të tyre. “Klipi” në të cilin shihet Noemi Bocchi, e dashura aktuale e ish-kapitenit verdhekuq, duke “spiunuar” në Instagram praninë e Ilary Blasi u bë “virale”.

Më konkretisht, Ilary shkoi për një ekzaminim sysh me motrën e saj Melory, duke dokumentuar gjithçka në rrjetet sociale. Prezantuesja shfrytëzoi rastin për të nisur një “shigjetë” plot helm për Noemi Bocchi.

Trajtimi i motrës, në fakt, do ta ndihmojë atë për të parë më mirë: "Pra do të shoh më mirë? Dhe prandaj do të spiunoj më mirë", – ishte komenti i Blasit, i cili i referohet veprimit të Noemi teksa "spiunonte" në stadium.