Thellohet tragjedia familjare në Përmet. Leonidha Peçi, 82 vjeç, burri që vrau bashkëshortes Afroviti Peçi 80 vjeç duke goditur me shkop, ndodhet në gjendje të rëndë shëndetësore.

Burimet bëjnë me dije se pasi kaluan disa orë që ishte i shoqëruar ai ka thënë se nuk ndihej mirë dhe është transportuar për në urgjencën e Spitalit të Gjirokastrës dhe më pas menjëherë për në Tiranë.

Raportohet se burri në moshë të thyer ndodhet në spital në gjendje të mirë shëndetësore.

82-vjeçari nuk ka deklaruar asnjë motiv as në policinë e Përmetit as në ambientet e Drejtorisë Vendore të Policisë Gjirokastër përballë oficerëve.

Policia Gjirokastër informon se ‘rreth orës 06:30, të mëngjesit, shtetasja e cila punon si shërbyese në banesën e çiftit të të moshuarve, 82 vjeç dhe, 80 vjeçe, ka gjetur në banesën ku shërben, të pa jetë dhe me shenja dhune shtetasen, 80 vjeçe.

Menjëherë në vendngjarje, ka shkuar grupi hetimor dhe nga veprimet e para hetimore dyshohet se 80 vjeçarja është goditur me sende të forta (shkop druri), nga bashkëshorti i saj shtetasi, banues në fshatin Pëllumbarë.

Shërbimet e Policisë kanë shoqëruar në Komisariatin e Policisë Përmet, për veprime të mëtejshme procedurale shtetasi, i proceduar penalisht edhe më parë për veprën penale “Dhuna në familje”.

Grupi hetimor nën drejtimin e Prokurorisë vijon punën për sqarimin e rrethanave të kësaj ngjarjeje’.