Ka pasur raste, dhe jo shumë të largëta në kohë, kur pushimet prej ekipeve kombëtare janë shoqëruar me bekimin e botës kuqezi. Ato u përdorën për të rikuperuar disa lojtarë të lënduar, për të rregulluar mirë zinxhirin e prodhimit, ose ndoshta për të rikuperuar shpirtin e duhur.

Këtë herë do të kishin dashur të bënin pa ndalesë, me forcën e tri fitoreve radhazi, në të cilat Milani jo vetëm e nisi shumë mirë, por edhe përmirësohej ndeshje pas ndeshje. Një përmirësim i vazhdueshëm që e gjeti kulmin në pjesën e parë ndaj Romës.

Ndalesa, përveç ndërprerjes së përkohshme të këtij diagrami të përpjetë, solli me vete disa pikëpyetje: a do ta lërë të qetë Giroud kyçi i këmbës së majtë? A do të jetë në gjendje Pulisic të largojë lodhjen e fushës dhe rrugëtimit të gjatë?

Pioli është i sigurt se po, aq sa ai ripropozon, me përjashtim të Kjaer në vend të Kalulu të dëmtuar, formacionin e 270 minutave të para të Serie A. Në këtë derbi, padyshim që objektivi parësor nuk është renditja, por t’iu tregohet të gjithëve dhe kryesisht vetes se diferenca me Interin, e cila u vërtetua në disa raste sezonin e kaluar, nuk ekziston më.

Edhe nëse Pioli në mënyrë legjitime e dëbon të kaluarën nga çdo diskutim, i cili është padyshim shumë i rëndë: “Nuk më intereson asgjë për derbet e fundit të humbur, vetëm e nesërmja ka rëndësi. Unë jam i interesuar që skuadra të gjejë zgjidhje për ta vënë kundërshtarin në vështirësi.

Nuk i kam riparë derbet e kaluar, por vetëm tri ndeshjet tona të para dhe tri të parat e tyre në këtë kampionat. Dhe jam i sigurt se asnjë nga lojtarët e mi nuk po mendon për derbet e mëparshëm. Gjithashtu sepse gjatë verës ndërtuam ekipin për të fituar çdo ndeshje”.

Fjala kyçe e pragut të këtij derbi është “sundimi”. Domethënë mbiemri dominues. Pioli e përdor fillimisht në terma të përgjithshëm: “Unë dua një Milan që luan me entuziazëm, pasion dhe zemër. Duam të përpiqemi ta kontrollojmë më shumë ndeshjen, të bëhemi një ekip më dominues brenda lojës. Për shkak të karakteristikave të ekipit të këtij sezoni, posedimi i topit do të bëhet i rëndësishëm, diçka që nuk më interesonte veçanërisht deri në sezonin e kaluar”.

A ka diçka në veçanti, që i trembet në këtë derbi? Përgjigjet Pioli: "Ne nuk kemi frikë nga asgjë”.