Një lojtar i Castilla dhe tre lojtarë të Real Madridit C kanë dhënë deklarata në lidhje me një rast të pretenduar të zbulimit të sekreteve të natyrës seksuale, siç konfirmohet nga vetë klubi i bardhë në një deklaratë.

Në të vetëm shpjegohet se Real Madridi është në dijeni të deklaratave të lojtarëve para hetuesve të çështjes dhe se do të miratojë masat e duhura ndëshkuese kur t’i ketë në posedim të gjitha faktet.

“El Confidencial”, e cila raportoi lajmin, deklaroi se tre lojtarë të rinj janë arrestuar dhe vuri në dukje se mund të prangosen edhe disa lojtarë të tjerë, duke përfshirë ekipin e parë. Sipas “El Mundo”, katër futbollistët tashmë janë liruar pas deklaratave të dhëna në polici.

Sipas “El Confidencial”, nëna e një të miture 16-vjeçare denoncoi më 6 shtator se një nga të arrestuarit regjistroi një video seksuale të vajzës së saj dhe e përhapi atë. Ngjarjet kishin ndodhur në komunën Kanare të Moganit.

Të përfshirët janë arrestuar mëngjesin e djeshëm dhe janë dërguar në komisariat për hetime. Arrestimi ka ndodhur në “Valdebebas”, ku ishte e pranishme Garda Civile dhe lojtarët do të kryenin stërvitjen me pjesën tjetër të skuadrave të tyre.

Krimi për të cilin akuzohen është mbajtja e sekreteve. Sipas “El Confidencial”, hetuesit duan të sekuestrojnë celularin që filmoi vajzën 16-vjeçare për të zbuluar nëse ka më shumë persona të përfshirë.

Klubi mbretëror madrilen ka lëshuar tashmë një deklaratë, pas lajmit: “Real Madridi njofton se ka mësuar se një lojtar i Castilla (Real Madridi B) dhe tre lojtarë të Real Madridit C kanë dhënë një deklaratë në Gardën Civile në lidhje me një ankesë për “përhapjen e pretenduar të një videoje private në WhatsApp. Kur klubi të ketë njohuri të hollësishme për faktet, do të marrë masat e duhura".