Pankina e mbipopulluar dhe mundësitë e ndryshme, qofshin në emra lojtarësh, qofshin në taktika, në dispozicion të Simone Inzaghit janë të mira, por askush nuk e arrin Lautaro Martinez. Kapiteni i Interit është një nga të paprekshmit në formacionin zikaltër, aq më tepër në derbi, ku prania e tij duket si ligj: nëse argjentinasi shënon gol vjen fitorja e zikaltërve.

I ka ndodhur tashmë gjashtë herë deri më tani, tre prej të cilave në Serie A (goli i fundit vetëm shkurtin e kaluar, derbi i kthimit në Serie A, i cili përfundoi 1-0, me “vulën” e “Toro”). Në total, argjentinasi shënoi 8 gola dhe dha një asist në 14 derbet e luajtura, me 9 suksese, 3 humbje dhe 2 barazime. Përpara tij, mes golashënuesve të zikaltërve kundër Milanit, janë vetëm Giuseppe Meazza, me 12 gola, dhe Istvan Nyers, me 11 gola.

Nuk është rastësi që edhe sikur të kishte dyshime në mendjen e Simone Inzaghit për sulmin, kjo do të shqetësonte partnerin e Lautaros, sepse numri 10 nuk mund të preket. Aq me tepër në një ndeshje kaq të rëndësishme që vë përballë skuadrat kryesuese të Serie A, edhe nëse jemi vetëm në fillim të kampionatit të ri. Tri pikët do të ishin edhe më të rëndësishme, sepse Interi do të fitonte pesë derbe radhazi, duke llogaritur të gjitha garat, siç nuk i ka ndodhur kurrë në të gjithë historinë e tij.

Midis nëntorit 1932 dhe marsit 1934 pati një varg prej katër suksesesh, të cilat më pas u ndërprenë nga një barazim 2-2; ndërmjet janarit 1943 dhe shkurtit 1945. Seria pozitive midis dhjetorit 1973 dhe majit 1974 ishte ndalur nga një barazim 0-0. Dhe më pas vijmë në ditët e sotme: 3-0 më 18 janar në Superkupën e Italisë, 1-0 më 5 shkurt në Serie A, 2-0 më 10 maj, në ndeshjen e parë gjysmëfinale të Ligës së Kampionëve; 1-0 gjashtë ditë më vonë në ndeshjen e kthimit.

Tani kjo mundësi e shkëlqyer për të kaluar në serinë e katër ndeshjeve radhazi fitore do të ishte një rekord për Interin, edhe nëse rekordi absolut mbahet nga Milani, i cili nga maji 1946 deri në prill 1948 kishte grumbulluar gjashtë fitore radhazi. Do të ketë kohë për të menduar, ndoshta: së pari tri pikët do të nevojiten të shtunën në mbrëmje.