Paul Pogba, mesfushori i Juventusit, sapo doli pozitiv për testosteron në testin e parë anti doping.

Megjithatë, mesfushori francez, kampion bote më 2018, nuk është i pari dhe me siguri as i fundit që rezulton i tillë.

Para lojtarit të “Zonjës së Vjetër”, tashmë në pritje për të bërë kundër analizën përkatëse dhe vërtetuar përfundimisht nëse ka përdorur apo jo doping, dhjetë raste të tjera janë regjistruar në kampionatin italian të futbollit (Serie A).

Angelo Peruzzi, tetor 1990. Asokohe portieri i Romës doli pozitiv për Lipopil. Një vit skualifikim për të.

Christian Bucchi, nëntor 2000. Ish-sulmuesi i Perugias rezultoi pozitiv për nandrolone. Një vit skualifikim për të. Në të njëjtin test, dhe për të njëjtën substancë, pozitiv doli edhe shoku i tij i skuadrës, mbrojtësi Salvatore Monaco.

Fernando Couto, dhjetor 2001. Ish-mbrojtësi i Lazios doli pozitiv për nandrolone. Fillimisht u skualifikua me 10 muaj, dënim i cili më pas u reduktua në 4 muaj.

Jaap Stam, tetor 2001. Ish-mbrojtësi i Lazios doli pozitiv për nandrolone. Skualifikim prej 5 muajsh, që më pas u reduktua në 4 muaj.

Edgar Davids, mars 2001. Ish-mesfushori i Juventusit rezultoi pozitiv për nandrolone. Skualifikim prej 5 muajsh, që më pas u reduktua në 4 muaj.

Pep Guardiola, tetor dhe nëntor 2001. Ish-mesfushori i Brescia doli pozitiv për nandrolone. 4 muaj skualifikim për të.

Marco Borriello, dhjetor 2006. Ish-sulmuesi i Milanit rezultoi pozitiv për metabolitin e kortizonit. 3 muaj skualifikim.

Fabio Lucioni, shtator 2017. Ish-mbrojtësi i Benevento rezultoi pozitiv për clostebol. 1 vit skualifikim.

Joao Pedro, shkurt 2018. Ish-sulmuesi i Cagliarit rezultoi pozitiv për hidroklorotiazid. 6 muaj skualifikim.