Ndihmoi një grua me një fëmijë të vogël pas një aksidenti me makinë dhe më pas i kërkon para. Kjo ngjarje është shënuar në Spresiano të Italisë, e cila është rrëfyer nga kryebashkiaku Marco Della Pietra pasi protagoniste e kësaj ngjarjeje ka qenë gruaja, e bija dhe babai i tij 75 vjeçar.

Pas aksidentit, gruaja, së bashku me vjehrrin, u ndihmua nga një punonjës i një pike karburanti aty pranë, i cili rregulloi për disa minuta pjesën e pasme të makinës me një levë. Por pronari i karburantit u ka kërkuar 10 euro për këtë me pretendimin se ‘koha është e shenjtë’.

“Një grua me një vajzë 4-vjeçare dhe një zotëri 75-vjeçar, i cili i djersitur përpiqej të rregullonte një parakolp me dorë, ai, një person me shpirt fisnik, kishte huazuar levën dhe kishte angazhuar edhe një pjesë të fuqisë punëtore për t’i ndihmuar. Dy minuta. Gjithsej: 10 euro. E di shumë mirë që shumica dërrmuese e stacioneve të karburantit nuk do të ishin sjellë kurrë si ky djalë dhe më vjen shumë keq që ka njerëz të këtij lloji brenda kategorisë që dukshëm dëmtojnë reputacionin edhe të atyre që sillen drejt. Por ku do të përfundojmë?”, shprehet kryebashkiaku.

“Isha shumë i pavendosur nëse do ta shkruaja apo jo postimin sepse kohët e fundit tema e “pranimeve” ka krijuar jo pak polemika, por në fund mendoj se është e drejtë të bëhet”, përfundoi ai.