Zlatan Ibrahimovic, ish-sulmuesi i Juventusit, ka folur edhe për “Calciopoli” në librin e tij të ri “Adrenalina”: "Do të vazhdoj të ndiej se dy titujt e kampionit që na i hoqën janë të miat. Si ishte e mundur t’ia jepja njërin prej tyre dikujt tjetër?

Dhe si kanë bërë të tjerët që i pranuan? Nëse ti e skualifikon fituesin dhe ma jep mua medaljen e tij, nuk e dua. Në fakt më ofendon nëse ma jep. Nëse unë shkoj me atë medalje në qafë dhe them ‘fitova’, kjo është e padenjë.

Sidomos pas gjithçkaje që doli më pas… Njerëzit shpesh më pyesin: Te Juve, a nuk e kuptove se arbitrat ishin bërë befas më të mirë? Unë përgjigjem: Jo, në fushë e kuptova se ishim më të fortët. Ne fituam vetëm prej kësaj.

Kur hyj në stadiumin e Torinos dhe shoh numrin 38 pranë flamurit italian, nuk mendoj se është gabim. Mendoj se ky është numri i saktë i titujve të Juventusit, kjo është drejtësia e vërtetë. Drejtësia sportive në Itali është e turpshme”.