Sociologia Abby këshillon një grua që dëshiron të bëhet nënë, por burri i saj nuk duket entuziast.

E DASHUR ABBY: Burri im dhe unë jemi të martuar prej 10 vjetësh. Kur u përpoqëm të kishim fëmijë për herë të parë, zbuluam se kam sindromën e vezores policistike.

Ne lamë përpjekjet kur vizitat te mjeku u bënë më shumë se sa mund të përballonim. U përpoqëm përsëri pasi burri im pa një film që e emocionoi. Asgjë nuk erdhi nga kjo, kështu që ne ndaluam së provuari përsëri.

Gjithmonë supozoja se do të bënim një përpjekje të fundit, por tani im shoq thotë se nuk do më një fëmijë dhe mund të mos e dojë kurrë.

Kurse më tha se nëse mbetem shtatzënë vetë, ishte në rregull.

Nuk di çfarë të bëj. Me shumë mundësi nuk do të mbetem shtatzënë pa një specialist të fertilitetit, por bashkëshorti im e bëri të qartë se nuk do të përpiqet të ketë një fëmijë. Çfarë të bëj?

Përgjigje: Burri juaj nuk duket të jetë një person që dëshiron të bëhet baba. Krejt e kundërta, nuk e do atë. Mundësia që "thjesht të ndodhë" për të mbetur shtatzënë është zero pa ndërhyrje mjekësore. Këtu nuk ka asnjë kompromis. Ai po përdor pikërisht këtë.

Nëse të dy do të jeni në gjendje të qëndroni ende së bashku, duhet të flisni për këtë me një psikolog, në mënyrë që të diskutoni nëse opsione të tjera përveç fekondimit të një fëmije janë të pranueshme. /noa.al/

Dear Abby është shkruar nga Abigail Van Buren, në SHBA.