Transmetuar më 17-08-2023, 21:40

KOLUMBI- Një tërmet me magnitudë 6 ballë të shkallës Rihter është ndjerë mbrëmjen e sotme në Kolumbinë qendrore.

Siç është raportuar nga Qendra Sizmologjike Euro-Mesdhetare (EMSC), tërmeti është ndjerë veçanërisht në kryeqytetin Bogota.

Epiqendra ndodhet rreth 10 kilometra në veri të qytetit Kumaral dhe thellësia fokale vlerësohet në 14 kilometra.

Agjencia e lajmeve Reuters raporton se banorët dolën të frikësuar në rrugët e kryeqytetit kolumbian.

Deri më tani nuk ka raportime për viktima, apo dëme të mëdha materiale.

Bashkohu me kanalin e NOA WhatsApp për lajmet më të fundit direkt në celularin tënd