“Derinkuyu Underground City” është një qytet historik nëntokësor i vendosur në rajonin e Kapadokiasë në Turqi.

Ai daton rreth shekullit të 8-të para Krishtit dhe u zgjerua dhe u përdor vazhdimisht nga qytetërime të ndryshme gjatë shekujve. Qyteti nëntokësor përmban kalime të fshehura, dhoma, kisha dhe zona magazinimi, duke e bërë atë një strukturë të madhe dhe magjepsëse.

Sot, ai është i hapur për vizitorët dhe shërben si një destinacion i rëndësishëm turistik për ata që janë të interesuar për historinë dhe arkitekturën.

Si u zbulua Derinkuyu?

Një burrë në vitin 1963 zbuloi në murin e bodrumit të tij një tunel gjatë një rinovimi që po i bënte shtëpisë. Ky tuneli të çonte në disa dalje të tjera.

Kështu padashje ai kishte gjetur hyrjen e një qyteti të madh nëntokësor që sot quhet Derinkuyu.

Ky qytet ishte braktisur për shekuj dhe përfundimisht u zbulua se ishte 18 kate i thellë dhe mund të strehonte deri në 20,000 banorë.

Sipas arkeologëve në Departamentin Turk të Kulturës, Derinkuyu u gdhend në shkëmbin vullkanik dhe u krijua nga Frigjianët, një kulturë e lashtë indo-evropiane.