10 minutat e fundit të Inter-PSG 2-1 ndryshuan shijen për sa iu përket rezultateve të turneut të zikaltërve në Japoni. Sigurisht, në kapërcyell të korrikut dhe gushtit, reagimet e rëndësishme kërkohen në gjendjen fiziko-atletike dhe në shkrirjen ekipore, por një rezultat i këtij lloji sigurisht që ngjall moral në skuadër.

Reagimi dhe përmbysja e disavantazhit padyshim që e kënaqi Simone Inzaghin: "Kemi luajtur një ndeshje të rëndësishme kundër një ekipi shumë teknik. PSG është një ekip i fortë. Është normale që të gjejmë shkëlqimin nga tani deri më 19 gusht. Ne vuajtëm fillimisht, më pas u organizuam më mirë, e përmirësuam menaxhimin e lojës, krijuam shanset tona, pësuam golin e Vitinha dhe më pas ishim të mirë për ta përmbysur atë”.

Megjithatë, trajneri nga Piacenza tashmë po mendon se çfarë do të ndodhë me kthimin e menjëhershëm në Itali, kur stërvitjet të rifillojnë të shtunën, pas disa ditësh pushimi: "Ne do të fillojmë përsëri të punojmë për shkëlqimin, sepse ngarkesat janë të rëndësishme. Djemtë kanë treguar disponueshmëri të madhe dhe unë jam i kënaqur me mënyrën se si ata po stërviten.

Kemi punuar që nga 13 korriku, por ndërkombëtarët kanë ardhur më 18 korrik. Kemi shumë për të përmirësuar, por jam i kënaqur me përkushtimin që shoh çdo ditë nga të gjithë djemtë. Një vlerësim i turneut në Japoni? Epo, kemi punuar shumë, ka qenë shumë nxehtë dhe diferenca kohore është e vështirë për t’u eliminuar, por jam i kënaqur. Djemtë kanë treguar disponueshmëri të madhe".