Kina ka planifikuar të kryejë mbi një mijë eksperimente shkencore në Stacionin e saj Hapësinor 10 deri në 15 vitet e ardhshme, sipas Institutit Kërkimor për Përdorimin e Hapësirës që citon noa.al.

Stacioni i Kinës është instaluar me sukses, me pajisje të vendosura dhe të kalibruara për eksperimente shkencore.

Për dekadën e ardhshme, Stacioni Hapësinor i Kinës do të hyjë në fazën e aplikimit dhe zhvillimit, duke shërbyer si një platformë kërkimore për shkencëtarët dhe inxhinierët në eksplorimin e sekreteve të hapësirës.

Më shumë se 60 projekte kërkimore janë tashmë duke u zhvilluar në këtë stacion, sipas një njoftimi për shtyp nga Qendra e Teknologjisë dhe Inxhinierisë për Përdorimin e Hapësirës pranë Akademisë së Shkencave të Kinës.

Drejtori i kësaj qendre, Zhang Wei, i tha Grupit Mediatik të Kinës (CMG) se ata po planifikojnë të kërkojnë materiale më të avancuara për tehet e motorëve të raketave.

"Ne do të kërkojmë gjithashtu për biomaterial më të mirë dhe shumë materiale të tjera për të përmbushur nevojat e njerëzve." – tha Zhang.

Sistemi i aplikimit për projektet e shkencës hapësinore në Stacionin Hapësinor të Kinës është i hapur për shkencëtarët dhe inxhinierët, sipas Zyrës së Inxhinierisë së Hapësirës me Astronautë të Kinës (CMSA).

Kjo zyrë do të kërkojë projekte që përfshijnë shkencën hapësinore dhe kërkimin njerëzor, fizikën mikrogravitacionale, astronominë hapësinore, shkencën e Tokës, si dhe teknologjitë dhe aplikimet e reja hapësinore.

Stacioni Hapësinor ka gjithashtu platforma eksperimenti ekspozimi, ndërfaqe standarde të ngarkesës dhe pika të mëdha varëse të ngarkesës jashtë moduleve për të mbështetur kërkimin shkencor, eksperimentet teknologjike dhe aplikimet në fusha të ndryshme.

Fotot: VCG

"Në të kaluarën, një strukturë gjigante mund të kryente vetëm një lloj eksperimenti." – tha Wang Ke, zv.kryeinxhinier i shfrytëzimit të hapësirës në CMSA.

"Tani ne kemi ndërtuar një grup pajisjesh universale në hapësirë," – tregon Wang Ke, duke shpjeguar se "në këtë mënyrë, ne vetëm duhet të vazhdojmë t’i rrotullojmë mostrat për të kryer të gjitha eksperimentet që duam të bëjmë".

Detajet e aplikimit gjenden në këtë uebsajt. Aplikimet duhet të dorëzohen para fundit të 10 gushtit për t’u shqyrtuar.