Sipërmarrësit dhe bankierët kinezë shprehen optimistë për makroekonominë e vendit në tremujorin e dytë të vitit, treguan sondazhet e Bankës Qendrore, citon noa.al, agjencinë e lajmeve “Xinhua”.

Indeksi i makroekonomisë së sipërmarrësve arriti në 30.9 për qind në tremujorin e dytë, me 4.3 pikë përqindje më shumë në bazë vjetore, sipas një sondazhi nga Banka Popullore e Kinës.

Rreth 59.9 për qind e sipërmarrësve të anketuar nga 5000 biznese thanë se mendonin se makroekonomia po funksiononte normalisht në tremujorin e dytë.

Një studim i veçantë i bankës për bankierët tregoi se indeksi i tyre makroekonomik ishte 37.8 për qind në tremujorin e dytë të vitit, me 62.4 për qind të bankierëve të anketuar që thanë se makroekonomia po funksiononte në një nivel normal.

Indeksi i perspektivës makroekonomike të bankierëve u rrit në 44.7 për qind për tremujorin e tretë, 6.9 pikë përqindje më i lartë se rezultatet e tremujorit të dytë, sipas sondazhit.