Vinicius Junior, braziliani i Real Madridit, sipas përditësimit të fundit të “Transfermarkt”, është vetëm pas Haaland dhe Mbappé në listën e futbollistëve më të kushtueshëm në treg për momentin. Më poshtë keni emrat e 25 futbollistëve me kartonin më të shtrenjtë, bashkë me çmimin e gjithsecilit.

25. Kolo Muani

Lojtari i Eintracht Frankfurt e ngre çmimin e tij në 80 milionë euro dhe futet në renditjen e 25 më të vlefshmëve.

24. Enzo Fernandez

Argjentinasi e rriti çmimin e tij në Kupën e Botës. Chelsea pagoi një shumë stratosferike për të, por nuk ka qenë një fund i mirë i sezonit për argjentinasin, i cili zbret në vendin e 24-të me një vlerësim prej 80 milionë euro.

23. Gabriel Martinelli

Anësori i majtë i Arsenalit ka pasur një sezon të mrekullueshëm, gjë që e ka ndihmuar atë të rrisë çmimin e tij në 80 milionë euro.

22. Lautaro Martinez

Sulmuesi i Interit humbi finalen e Ligës së Kampionëve kundër Manchester City, por sezoni i tij i shkëlqyer e vendos me një vlerë tregu prej 85 milionë eurosh.

21. Tchouameni

Lojtari i Real Madridit nuk e ka pasur rolin e pritshëm, edhe pse ka pasur shumë minuta sezonin e fundit. Çmimi i tij bie në 85 milionë euro.

20. Kvaratskhelia

Gjeorgjiani ka qenë një nga shtyllat e kampionit të Serie A, Napoli, dhe vlera e tij në treg është 85 milionë euro.

19. Florian Wirtz

Mesfushori i Bayer Leverkusen, me një vlerë tregu prej 85 milionë eurosh, futet në vendin e 19-të të kësaj liste.

18. Camavinga

Lojtari i Real Madridit e ka rritur çmimin në 85 milionë euro falë përfshirjes së tij si anësor në shumë ndeshje për të bardhët.

17. Harry Kane

Sulmuesi i Tottenhamit e ruan çmimin e tij në 90 milionë euro.

16. Martin Odegaard

Norvegjezi i Arsenalit ka pasur një sezon të mrekullueshëm në Premier League, ishte pranë fitimit të titullit, gjë që i mundëson të rrisë vlerën e tij në treg në 90 milionë euro.

15. Rafael Leão

Sulmuesi i Milanit ka shënuar 15 gola në Serie A, sezonin e fundit, ndaj çmimi i tij shkon në 90 milionë euro.

14. Rodri

Ai shënoi golin në finalen e Ligës së Kampionëve, që i dha titullin Manchester City. Kjo paraqitje e çon atë në një vlerësim prej 90 milionë euro.

13. Declan Rice

Fitues i Ligës së Konferencës me West Ham dhe një nënshkrim i ri për Arsenalin, ai është një nga emrat e spikatur në futboll. Prandaj ka shkuar 90 milionë euro vlera e tij në treg.

12. Gavi

Lojtari i ri i Barcelonës, kampion i Ligës së Kombeve me Spanjën, ruan vlerën e tij në 90 milionë euro.

11. Fede Valverde

Pavarësisht se performanca e tij ra disi pas Botërorit 2022, vlera e uruguajanit në treg mbetet 100 milionë euro.

10. Rodrigo

Ai e ka konfirmuar veten si një nga liderët e Real Madridit falë golave, të cilët e kanë rritur vlerën e tij në treg në 100 milionë euro.

9. Pedri

Pavarësisht se dëmtimet nuk e kanë lënë të shkëlqejë, ai ruan vlerën e tregut në 100 milionë euro.

8. Phil Foden

Anësori i Manchester City, fitues i Ligës së Kampionëve, ruan vlerën e tij në treg në 110 milionë euro.

7. Jamal Musiala

Mesfushori i Bayern Munich, ndërkombëtar me Gjermaninë, ruan vlerën e tij në treg në 110 milionë euro.

6. Viktor Osimhen

Sulmuesi i Napolit, kampion i Serie A, e rrit çmimin në 120 milionë euro.

5. Bukayo Saka

Anësori i Arsenalit ka shënuar 14 gola në Premier League, sezonin e fundit, dhe vlera e tij në treg shkon në 120 milionë euro.

4. Jude Bellingham

Nënshkrimi i ri i Real Madridit ka udhëhequr Borussia Dortmund në sezonin e fundit dhe e ruan vlerën e tij në treg në 120 milionë euro.

3. Vinicius Junior

Braziliani ka qenë lider i Real Madridit në sezonin e fundit dhe hap podiumin me një vlerë tregu prej 150 milionë euro.

2. Kylian Mbappe

Në vendin e dytë në këtë renditje është ylli i PSG-së, me një vlerë tregu prej 180 milionë eurosh.

1. Erling Haaland

E ka rritur vlerën në 180 milionë euro, po aq sa Mbappé, por kryeson renditjen falë fitimit të Ligës së Kampionëve.