Arabia Saudite nuk heq dorë nga Massimiliano Allegri. Al Hilal, pas “jo” së ditëve të fundit, ka vendosur të rrisë ofertën për trajnerin aktual bardhezi. Më konkretisht, ka vënë në “pjatë” një kontratë shumë të pasur 3-vjeçare, me vlerë 30 milionë euro në sezon (përveç 10 milionë eurove bonus në momentin e nënshkrimit).

Kjo shifër është më tepër se katërfishi i pagës aktuale që trajneri merr te Juventusi, klubi me të cilin është ende i lidhur me kontratë 2-vjeçare. Ndërsa Juve vazhdon të ndërtojë skuadrën për sezonin e ardhshëm, thashethemet për Massimiliano Allegri vazhdojnë të ndjekin njëri-tjetrin.

Al Hilal nuk është dorëzuar, vazhdon përpjekjet dhe është gati ta mbulojë me ar trajnerin nga Livorno, duke e konsideruar kampion stoli. Një ofertë që asnjë klub në botë nuk do të mund ta përballonte kurrë, por paratë nuk janë gjithçka në jetë. Lëvizja në Arabinë Saudite do të përfaqësonte një ndryshim rrënjësor të jetës për trajnerin e Juventusit.

Më pas ka ndoshta edhe një ligjërim njerëzor, ku krenaria zë terren. Sepse, pasi të keni shkruar disa nga faqet më të bukura në historinë e fundit bardhezi, largimi pas dy sezonesh pa trofe do të përfaqësonte një lloj dështimi në “Allegri bis”…