Mungon vetëm zyrtarizimi, por Ilkay Gündogan është tashmë një lojtar i Barcelonës. Mesfushori gjerman ka arritur një marrëveshje me entitetin katalanas për dy sezonet e ardhshme, me opsionin e një të treti.

Për mbylljen e operacionit kanë shërbyer kontaktet që kanë ndodhur dje në Mynih, të drejtuara nga Mateo Alemany, drejtor i futbollit në klubin katalanas. Në "Camp Nou" tashmë e marrin si të mirëqenë këtë "martesë" në merkato.

Ekzekutivi blaugrana ka siguruar se ndërkombëtari gjerman, i lirë nga Manchester City, se Barça është në gjendje ta regjistrojë atë pavarësisht situatës delikate të faturës së pagave. Gundogan i është dashur të ulë pretendimet e tij për t’u futur në skuadrën e Barçës, ai do të ketë një pagë prej rreth 9 milionë euro në sezon.

Përkundër faktit se u desh më shumë se sa pritej për të vendosur për të ardhmen e tij dhe te Barcelona madje u frikësuan se më në fund do të zgjidhte një propozim tjetër, Alemany ka arritur dje të finalizojë një operacion të nisur disa muaj më parë.

Lojtari veteran 32-vjeçar tashmë ka kaluar kontrollet e zakonshme mjekësore në Gjermani, kështu që operacioni pritet vetëm të zyrtarizohet. Ardhja e lojtarit turko-gjerman është një shtysë e madhe për projektin e Xavi, i cili personalisht ka insistuar për ta marrë atë.

Trajneri katalanas konsideron se futbollisti veteran do t’i kontribuojë atij në dirigjimin e lojës dhe në fazën sulmues. Është një lojtar që e konsideron të rëndësishëm në përpjekjen për të fituar Ligën e Kampionëve, një titull që Gündogan sapo e ka fituar me City e Guardiolës.

Gundogan ka pasur më shumë oferta të jashtëzakonshme në nivel ekonomik, si ajo e ofruar nga Manchester City për rinovim, por më në fund ka zgjedhur projektin katalanas.

Lojtari thuajse u vesh me fanellën blaugrana në vitin 2015. Ai madje shkoi aq larg, sa iu nënshtrua ekzaminimeve mjekësore, por Luis Enrique më në fund vendosi të "rekrutonte" Arda Turan.