Ndonëse prej disa kohësh është larguar nga stoli, Zinedine Zidane mbetet gjithmonë i pranishëm në futbollin botëror. Në një mënyrë apo tjetër, figura e tij, yll në universin e futbollit, nuk ka reshtur së ndriçuari. Jo më kot është trajneri i vetëm në histori që ka fituar tre Champions League radhazi, në stolin e Real Madridit. Se si e sheh jetën dhe futbollin, pasi në rastin e tij nuk janë gjithmonë njësoj, ai ka folur në një intervistë të gjatë në revistën GQ.

"Të jesh lojtar dhe trajner janë dy profesione që nuk kanë lidhje me njëri-tjetrin. Kur del nga një sezon në stol, je më i lodhur se futbollistët. Presionet të vijnë nga të gjitha anët, sepse ti je përgjegjës për të marrë", – reflekton Zidane, i cili supozon që, edhe pse e do atë që bën, herë pas here ("dhe mua më ka ndodhur dy herë") duhet ta heqë prizën…

"Trajneri kujdeset për 23 futbollistë dhe nuk ndalet kurrë", – këmbëngul ai. Francezi flet për dy etapat e tij si trajner i Real Madridit, shtëpinë e tij. Megjithatë, ai pajtohet se, pas dy vitesh e gjysmë që fitoi shumë gjëra në etapën e parë, "i duhej të merrte frymë".

Por kaluan vetëm tetë muaj, kur Florentino Pérez e telefonoi duke i kërkuar të kthehej. "Dhe unë u zhyta përsëri në projekt. Nuk mendova pse ta merrja përsipër këtë rrezik për të bërë më pak mirë… Nuk i llogaris të gjitha, e bëj instinktivisht”, – pranon Zidane.

Aktualisht shprehet se i pëlqen vetëm jeta, pasi ka kohë të shohë familjen dhe të bëjë çfarë të dojë, pavarësisht se jeta e tij vazhdon të ecë “me 200 mijë milje në orë”. Por kur të vijë koha, Zinedine Zidane shpreh dëshirën për t’u rikthyer në stërvitje, ndërsa pretendon se nuk e di destinacionin e ardhshëm.

"E kam thënë shpesh që kur e njeh ekipin francez si lojtar dhe bëhesh trajner, është logjike të mendosh për këtë. Por tani nuk është koha", – përfundon francezi, pa kujtuar se është ambicioz dhe se nuk e ka harruar adrenalinën që vjen nga fitorja: “Nuk lodhesh kurrë prej saj, pavarësisht sa fiton”.