Një mural i bukur i Lionel Messit është shfaqur në Buenos Aires në muret e një ndërtese me pamje nga një stacion treni, si nderim për triumfin e tij në Kupën e Botës 2022 në Katar. Messi vesh fanellën e purpurt të Albiceleste si mysafir, me flamurin e vendit pas tij.

Nuk është hera e parë që Messi zë vend në muret dhe fasadat e ndërtesave të Buenos Aires. Në fillim të këtij viti, “GOAL”, në partneritet me “Boedo Artistic Group” krijoi një mural që nderonte sulmuesin.

Për më tepër, një artist argjentinas i quajtur Maxi Bagnasco i kishte bërë “homazhe” lojtarit me një mural në të cilin Messi shihet duke mbajtur trofeun lart, i veshur me një “fustan” tipik të fisnikëve të Katarit, ndërsa Emiliano Martinez është pas tij me krahët ngritur nga gëzimi.

Messi tashmë ka njoftuar largimin e tij nga PSG dhe thuhet se po vendos të ardhmen si futbollist, me ofertat nga Barcelona, ​​Arabia Saudite dhe Inter Miami.