Zlatan Ibrahimovic ka një pasion të madh për tatuazhet, të cilat pasqyrojnë personalitetin e tij. Vizatimet, të cilat mbulojnë një pjesë të madhe të trupit të tij, tregojnë historinë e jetës së sulmuesit suedez, pasionet dhe besimet e 42-vjeçarit. Nga portretet e tij dhe gruas te simbolet e forcës dhe fuqisë, tatuazhet e Zlatan pasqyrojnë udhëtimin e tij personal dhe gjërat që kanë më shumë rëndësi për të.

Ai ka punësuar disa nga artistët kryesorë të tatuazheve në botë. “Gravurat” në trupin e stërmadh janë bërë pjesë ikonike e imazhit dhe markës së tij personale. Qofshin frymëzues apo të diskutueshëm, tatuazhet e Zlatan janë një dëshmi e dashurisë së tij për artin e trupit.

Shumë pyesin: Pse të ketë kaq shumë tatuazhe në trup? Superstari suedez ka rrëfyer në librin e tij “Unë jam Zlatani” se tatuazhet në trup “u bënë si një ilaç për mua”. Ai tha: “Kam qenë kundër tyre në fillim, pasi mendoja se kishin në shije të keqe, por u tundova më vonë…” Tani ai ka 14 tatuazhe në trupin e tij, në mes e sipër. Këtu janë historitë prapa secilit prej tyre.

1. Dora e djathtë: Këta numra janë të njohur si “kodi Ibrahimovic” dhe u referohen datëlindjeve të meshkujve në familjen e tij. Aty shfaqen: i ati, Shefik, vëllai i vonë, Sapko, vëllai tjetër, Aleksander, dhe ditët në të cilat kanë lindur dy djemtë e tij, Maximilian, nëntë vjeç, dhe Vince, tetë vjeç.

2. Krahu i djathtë: Në krye të krahut të tij të djathtë, Ibrahimovic ka emrat e dy djemve të tij, në germa arabe.

3. “Bicep” i majtë: Më poshtë tyre qëndron “Shefik”. Zlatan dhe babai i tij kisin pak para dhe në librin e tij, sulmuesi tregon se kur kishin për të ndërtuar një shtëpi, nuk mund t’i përballonin shpenzimet.

4. Mesi djathtas, lart: Dy karta loje. Germat ACE të zemrave përmbajnë një letër ‘H’ Brenda, çka mendohet të jetë në nder të gruas së tij, Helena Seger. ACE është, me sa duket, një simbol fati të mirë.

5. Mesi djathtas, poshtë: Ky dragon i kuq është për të treguar personalitetin e tij prej luftëtari dhe vjen nga kultura japoneze.

6. Dora majtas: Ibrahimovic ka ditëlindjen e nënës, Jurka, dhe motrës, Sanela, këtu. Ndryshe nga burrat, gratë e jetës së Zlatanit shkojnë në anën e majtë, sepse aty janë më afër zemrës së tij. Burrat janë në të djathtë, sepse superstari beson se ata përfaqësojnë forcën.

7. “Bicep” majtas: Jurka, emri i nënës së tij, në germa arabe.

8. Stomaku: Ky është tatuazhi i Ibrahimovicit, që thotë se ai është dhe ishte i pari…Në anën e këtij tatuazhi, Ibra ka mesazhin: “Vetëm Perëndia mund të më gjykojë mua”.

9. Shpatulla e majtë: Një peshk koi gri. Ngjyra është menduar të jetë e rëndësishme, si koi gri, që janë të egër, në krahasim me ato peshqit e edukuar në pellgje. Peshku Koi mund të notojë në rrjedhën e sipërme dhe, në librin e tij, Ibrahimovic thotë se ai zgjodhi atë peshk, sepse “u ndesh me parimet”.

10. Mesi majtas, mbrapa: Një tatuazh i kohëve të fundit, i cili është “Njeriu Vitruvian”, i Leonardo da Vincit. Ajo figurë tregon proporcionet ideale të njeriut dhe datat origjinale të vizatimit, rreth vitit 1490.

11. Shpatulla lart, djathtas: Kjo pendë është thënë se vjen nga një shqiponjë, e cila përfaqëson forcën dhe guximin.

12. Supi i djathtë: Simboli i fiseve “Maori”, për ta mbrojtur atë, familjen e tij dhe për t’i sjellë fat të mirë.

13. Shpatulla poshtë, djathtas: Një imazh i një murgu budist, i quajtur Yant Prajao Khao Nirote, i presupozohet se të mbron nga vuajtjet.

14. Mesi i kurrizit, poshtë: Një tjetër tipar budist. Ky tatuazh paraqet pesë elementët e erës, ujit, zjarrit, hapësirës dhe perceptimit krijuese, teksa quhet “Five Deva Faces Yantra”.