Debutimi i Andrea Pirlo në “Kings League” ngjalli pritshmëri të mëdha. Siç e dimë tashmë më shumë se sa duhet, liga e krijuar nga Gerard Pique është një shfaqje e pastër. Dje na ka gëzuar sërish me një ballafaqim mjeshtëror, me Gerard Romero dhe Santi Millán si protagonistë.

Stafi i skuadrës së gazetarit sportiv mbërriti në “Cupra Arena” me të gjithë anëtarët e vet mbi një Ferrari dhe me një fytyrë disi të njohur në sediljen e pasagjerit… “Shikoni Pirlon”, – komentuan disa.

Flamujt italianë, me kostume italiane, të montuar në një makinë italiane… Spektakël i pastër që “Jijantes” ka bërë me mbërritjen e tij në stadium disa orë përpara një prej debutimeve më të pritura në historinë e këtij kompeticioni: Andrea.Pirlo.

Dhe magjia e “Maestros” nuk mungoi në fushën e blertë. Edhe në moshën 44-vjeçare, goditja e tij mbetet e ditëve më të mira, kur “vizatoi” futbollin në fusha futbolli të të gjithë Evropës.

Ish-mesfushori i Milanit dhe Juventusit u rikthye në fushë në ditën e pestë të ndeshjeve të “Kings League”, ku padyshim ishte ylli absolut i ditës. I pritur si një yll, i shoqëruar nga organizatori i turneut Gerard Pique, Pirlo tregoi këmbën e tij të zakonshme të nxehtë.

Al palo la manda @Pirlo_official 🤯 #KingsLeagueJ5 #InfoJobs pic.twitter.com/uXTBovkmJD

— Kings League InfoJobs (@KingsLeague) June 4, 2023

Goditja e tij e shkëlqyer e lirë në pjesën e dytë goditi traversën nga distanca, me portierin kundërshtar tashmë të mposhtur. Një perlë autentike që do t’i emocionojnë dhe bëjë nostalgjikë tifozët e gjysmës së Italisë, të cilët ende i mbajnë mend “bëmat” e tij.

Dhe nuk ka rëndësi nëse në fund skuadra e tij, Jijantes, këtë herë humbi 4-3 kundër Pio FC. Pirlo sigurisht që nuk kaloi pa u vënë re edhe në “Ligën e Mbretërve”.