Transmetuar më 31-05-2023, 23:06

Kosovë- Tensionet e krijuara në Mitrovicën e Veriu, fillimisht i’u faturuan Albin Kurtit, si nxitës i dhunës dhe përshkallzmit të situatës. Ndërkombëtarët vunë gishtin mbi kryeministrin e Kosovës, i cili përtej çdo kritike, nuk e tërhoqi Policinë e Kosovës nga godinat e komunave. Garantimi i jetës së kryetarëve shqiptarë dhe e drejta që ata të kryenin detyrën e ngarkuar nga zgjedhësit, ishin dy arsye se përse Kurti rreshtoi Policinë e Kosovës përballë protestës së serbëve.

Mirëpo në momentin kur situatën e mori në dorë KFOR-i dhe serbët plagosën me dhjetra ushtarë, ndërkombëtarët përtypën fjalët e tyre dhe nisën t’i kërkojnë llogari Serbisë. Këtë herë dhunuese nuk ishte Policia e Kosovës, por serbët e frymëzuar nga Rusia.

Ndërkombëtarët kanë vijuar sërish, përpos tensioneve të krijuar nga serbët, me një presion ndaj Albin Kurtit për t’u ulur në dialog. Por në cilin dialog? Kosova ka kërkuar reciprocitet, njohje të targave, mundësinë shkëmbimi tregtar dhe garantimin e të drejtave për shtetasit e tyre në teritorin e Serbisë. Duket se dialogu është një fjalë me të cilët ndërkombëtarët janë kapur, pa pasur në vëmendje nxitjen tensioneve nga ana e serbëve.

Në të njëjtën gjuhë me ndërkombëtarët, janë edhe politikanët opozitar të Kosovës. Ramush Haradinaj është njëri prej tyre, i cili ka kërkuar dorëheqjen e Kurtit nga drejtimi i qeverisë, pasi po nxitë dhunë ndaj serbëve. Ata i kanë sygjeruar Kurtit të dëgjojë këshillat e SHBA-ve dhe BE-së, mirëpo kryeministri i Kosovës nuk tëriqet. Po përse nuk i dëgjon "këshillat" e ndërkombëtarëve Albin Kurti?

Në shkurt të këtij viti, nga Parlamenti i Kosovës, Albin Kurti bëri të qartë se bashkëpunimi me ndërkombëtarët është deri në pikën kur nuk preken interesat e popullit të tij. Ai la të nënkuptoj se nuk do të kthehet në një kukull të ndërkombëtarëve, por se do të mbrojë Kushtetutën e Kosovës, dhe qytetarët e tij.

"Unë nuk i befasoj ndërkombëtarët, unë koordinohem me ta. Por duhet ta kuptoni që unë nuk jam ndërkombëtar, unë jam shqiptar. Jam kryeministër i Kosovës. Unë mbrojë interesin e republikës tonë, të popullit tonë, të Kushtetutës tonë. Koordinim pati edhe në 1913 (ndarja e trojeve shqiptare), ja ku na ka prurë ai koordinim. Ndërkombëtarët i kanë dy kapela, një që na kanë njohur dhe një si ndërmjetësues. Nuk është çdo ligjërim ndërkombëtar autentik, por është edhe rol i ndërmjetësit. Prandaj duhet të koordinohemi me ndërkombëtarët, si njohës të pavarësisë tonë, por nuk duhet të pajtohesh me të në rolin e tij si ndërmjetës, pasi ata vijnë me propozimet e Serbisë te ne dhe me propozimet tona shkojnë në Serbi” – tha Albin Kurti afro 3 muaj më parë.

Bashkohu me kanalin e NOA WhatsApp për lajmet më të fundit direkt në celularin tënd