Juventusi është jashtë “Europa League” 2022-2023: Bardhezinjtë u eliminuan pas humbjes 2-1 ndaj Sevilla në “Sanchez Pizjuan”, pas kohës shtesë, rezultat i cili i kombinuar me barazimin 1-1 të gjysmëfinales së parë i eliminoi djemtë e Massimiliano Allegrit.

Trajneri nga Livorno foli në konferencën për shtyp pas ndeshjes, ku demonstroi kaq shumë zhgënjim, por edhe vetëdije se dhanë gjithçka: "Ekipi bëri atë që duhej të bënte, detajet bëjnë diferencën. Faleminderit të gjithë djemve!"

Performancë e “shurdhër” për Di Maria, i mbrojtur nga Allegri: "Angel bëri gjithçka që ishte e mundur. Ne luajtëm një ndeshje të mirë, më vjen shumë keq".

Ky do të jetë sezoni i dytë radhazi pa tituj të fituar nga “Zonja e Vjetër”: "Në futboll është e vështirë t’i bësh gjërat shpejt. Ishte një sezon anormal, tani do të përpiqemi të përfundojmë të dytët në Serie A".

Zhgënjim i madh brenda dhomës së zhveshjes: "Djemtë po qanin dhe janë shumë të zhgënjyer. Ne gabuam në ato shtatë minuta, në të cilat patëm dy raste të rëndësishme. I paguam shtrenjtë gabimet që bëmë. Duhet ta përgëzojmë këtë mjedis, sepse e mbështeti Sevilla nga fillimi deri në fund".