Për Erling Haaland vazhdon të flitet, edhe pse këtë herë nuk ka të bëjë me "bëmat" e tij në fushën e blertë. Në orët e fundit, në qendër të vëmendjes kanë qenë zakonet ushqimore të sulmuesit norvegjez, i cili sipas më të informuarve nëpër Britaninë e Madhe konsumon rreth gjashtë vakte në ditë.

Një sasi e konsiderueshme ushqimi jo tamam cilësor, siç dëshmohet nga një postim, i publikuar nga norvegjezi në Instagram mbrëmjen e së dielës.

Golashënuesi më i mirë i Premier League ka një dashuri të veçantë për ushqimin dhe qebapët kinezë, por ai nuk përbuz as peshkun shpatë, levrekun, krapin e detit dhe perimet e freskëta.

Imazhi i postuar në Instagram, megjithatë portretizon një tigan me disa copa mishi brenda. Sipas disa ndjekësve të norvegjezit janë mëlçi viçi. Në komente u ngritën edhe dyshime. "Jam konfuz, duken si feçe", – shkroi një përdorues.

Një tjetër shtoi: “Mos e lër vëllain të të gatuajë”. Një i tretë, në vend të kësaj, komenton si më poshtë: "Haaland, ke harruar ta lësh qenin tënd jashtë para ndeshjes".