Janë numëruar votat në dy kuti të para të qendrave të votimit në Kamëz dhe rezulton se fitues është Rakip Suli i Partisë Socialiste, raporton noa.al.

Dy QV Kamëz, rezultati:

241 votues

143 Rakip Suli

85 Arjan Hoxha

6 Bilbil Bajraktari

QV -2

191 votues

130 Rakip Suli

59 Arjan Hoxha

8 Bilbil Bajraktari

Në Kamëz ashtu si në Vorë dhe Elbasan është zhvilluar votim elektronik. Atje veç Sulit për PS kandidoi Arjan Hoxha për Bashkë Fitojmë.

Ora 19:00 shënoi kohën zyrtare të mbylljes së qendrave të votimit, megjithatë nuk ka asnjë raport zyrtar se sa prej mëse 5 mijë qendrave e kanë përfunduar procesin zgjedhor, raporton noa.al.

Mbi 3.6 milionë qytetarë ishin thirrur për të votuar në këto zgjedhje. Për të zgjedhur në krye të 61 bashkive, në garë ishin 144 kandidatë.

Në 61 bashkitë e vendit ishin hapura 5213 qendra votimi. Identifikimi elektronik dështoi gjatë mëngjesit në mëse 500 qendra votimi duke bërë që të bllokohet me orë të tëra procesi zgjedhor.

Komisioneri Shtetëror i Zgjedhjeve, Ilirjan Celibashi u shpreh se nuk ka asnjë shkak ligjor për të shtyrë orarin e votimit përtej orës 19:00.

Celibashi sqaroi se nëse do të jenë votues që presin për të votuar në qendrën përkatëse, komisioni i qendrës së votimit duhet të shënojë emrat e tyre dhe duhet t’i lejojë ata të votojnë.

“Asnjë tjetër nuk do lejohet pasi të ketë përfunduar votimi përveç atyre që kanë qenë në pritje për të votuar në orën 19:00”, tha ai.

Në vitin 2015 morën pjesë 1.6 milionë zgjedhës ndërsa më 2021, 1.5 milionë ndër 3.2 milionë shqiptarë të thirrur në votime.

/noa.al