Episodi i keq, që pa si protagonist babain e Erling Haaland, Alf-Inge, përfundon si “aksesor” tejet “viral” i gjysmëfinales së Champions League mes Real Madridit dhe Manchester City (1-1). Në një moment, kur situata rrezikoi të përshkallëzohej për shkak të tensionit të krijuar nga shkëmbimi i batutave, sigurimi ndërhyri dhe e largoi nga kabina e zonës VIP, që ndodhet në tribunën e “Bernabeu”.

Qëndrimi i babait të Haaland (ish-futbollist i Manchester City) shkaktoi më shumë diskutime sesa performanca e djalit të tij, i neutralizuar nga plani taktik që kishte përgatitur Ancelotti për të. Trajneri italian kishte ngritur rreth tij një lloj “gardhi”, brenda të cilit u neutralizua nga mbrojtësit spanjollë (në mënyrë metaforike, Rudiger mendoi për ta ngritur murin, kundër të cilit sulmuesi norvegjez u përplas).

Me pasan esto del padre de Haaland expulsado de un palco del Bernabéu después de haber estado insultado y tirando comida a la gente del Madrid pic.twitter.com/S8QuOjHzWx

— IAM PRESIDENTE DE LA COMUNIDAD (@inakiangulo) May 9, 2023

Nga videot që qarkullojnë në rrjet, të postuara nga vetë tifozët e bardhë dhe disa gazetarë, shihet se sjellja e babait të Haaland ishte e papranueshme. Rrjedha e disa ngacmimeve të marra, falë mbrëmjes së errët të djalit golashënues, e bëri reagimin e Haaland senior të qortueshëm për mënyrën se si pozon.

Nga pamjet duket qartë sesi ai vetë tallet me publikun që ndodhet pranë zonës së tij të rezervuar. Gjeste dhe përqeshje hapur, madje i afron duart te veshët si për të thënë "nuk ju dëgjoj". Ai thjesht nuk mundi ta përmbante veten, aq sa, siç shihet nga një sekuencë tjetër e shpërndarë në rrjetet sociale, tund njërin krah për disa mbështetës të bardhë që e shajnë.

KSKKKKKKSKKSKSKSKSKSKSKSKSKS TO AMANDO ISSO AQUIpic.twitter.com/nrW9OfqT5P

— Manchester City Brasil | Fan Account (@_ManCityBR) May 9, 2023

"Jashtë, jashtë", – i bërtet turma e Madridit. Dikush tjetër do ta ofendojë atë dhe sulmuesin që nuk arrin të shkëlqejë kundër mbrojtjes së Realit. Alf-Inge përgjigjet me një mimikë elokuente, i nxitur edhe nga personi në krah të tij. Informacioni i fundit thotë gjithashtu se babai i Haaland është parë duke hedhur diçka drejt tifozëve madrilenë.

Ajo skenë do të zgjaste disa minuta, të paktën derisa ka mbërritur sinjali për sigurimin e pranishëm në stadium. Më pas do të ndërhynin agjentët, që do ta merrnin për krahu babain e futbollistit dhe personin që e shoqëronte duke i larguar nga kabina e tyre VIP.