Pas Krujës, policia vazhdon kontrollet për të parandaluar kultivimin e bimëve narkotike në Malësinë e Madhe.

Në një kontroll të fundit, në fshatin Koplik i Sipërm, janë gjetur dhe asgjësuar 80 fidanë kanabisi të kultivuar në kubikë.

Në këtë rast është identifikuar dhe kapur një 16-vjeçar, i cili është proceduar në gjendje të lirë për shkak të moshës.

Materialet e rastit janë kaluar tek Prokuroria pranë Gjykatës së Rrethit Gjyqësor Shkodër për veprime të mëtejshme.

Policia ka vijuar me kontrolle nga toka dhe ajri me dronë për të parandaluar kultivimin e bimëve narkotike.