Loughgall FC, një klub futbolli i Irlandës së Veriut, që këtë vit konkurroi në kampionatin NIFL (ekuivalent me Serie B italiane), u ngjit në kategorinë e parë. Qyteti me të njëjtin emër u bë më i vogli në Evropë, që përfaqësohet me ekip futbolli në një ligë të lartë.  Vetëm 282 njerëz jetojnë atje. Një rekord në të gjitha aspektet.

“Fshati më i vogël në Evropë, me një ekip në ligën e lartë”, – shkruhet në mediat sociale nga fshatarët. Në thelb është një fshat, mjaft i vogël. Megjithatë, ekziston një stadium futbolli, "Lakeview Park" me pamje nga liqeni. Sipas "Google", ai ka një kapacitet prej 3 mijë vendesh.

The smallest settlement in Europe with a top flight team.

💙 Loughgall Village 💙 pic.twitter.com/ONXggCcXYw

— Loughgall FC (@LoughgallFC) April 22, 2023

45 minuta larg nga Belfasti, kryeqyteti i Irlandës së Veriut, Loughgall është protagonisti i këtij realiteti tejet të veçantë. Është, përveç një historie të mrekullueshme futbolli, toka më pak e "populluar" në Kontinentin e Vjetër, që do të presë ndeshjet e një turneu më të lartë kombëtar kontinental në 2023-2024.

Klubi i themeluar në vitin 1967 siguroi ngjitjen në Premiership NIFL (Liga e Futbollit të Irlandës së Veriut) të shtunën e 15 prillit pasi mundi Dundela 3-1 jashtë fushe. Në fakt është një rikthim te të mëdhenjtë, pas rënies nga kategoria elitare në vitin 2007.

Dhe, befas, kampionati i 44-t kombëtar në renditjen e UEFA-s do të ketë një fshat me 282 banorë që do të presë ndeshje të nivelit elitar.

Ndërkohë, sot, e shtunë 29 prill, në orën 16:00, Loughgall e mbyll sezonin duke pritur Ballyclare Comrades. Në fund të ndeshjes, "NI Football League" do t’ua dorëzojë fituesve trofeun, i cili do të nisë festimet zyrtare.