Pothuajse zhvilloi një orë bisedë me miqtë. Mario Balotelli iu rrëfye Muschio Selvaggio, një transmetimi radiofonik i drejtuar nga Fedez. Ish-sulmuesi i kombëtares italiane ka folur për karrierën e tij, duke u ndalur te momentet e triumfet.

“Si fëmijë kam luajtur për qejf, – nënvizoi Balotelli. – Prindërit e mi gjithmonë përpiqeshin të më frenonin, sepse nuk isha një fëmijë i thjeshtë. Si fëmijë nuk e kuptoja besimin e prindërve të mi biologjikë ndaj prindërve të tjerë, sot mund të them se me ato zgjedhje më ndihmoi familja ime natyrore".

Trajnerin Jose Mourinho e konsideron si një baba: “Pothuajse gjithë karrierën time ia kam borxh Interit, por në zemër kam qenë gjithmonë një tifoz i Milanit. Mourinho? Ai është shumë i këndshëm. Kam pasur një marrëdhënie disi të veçantë, një marrëdhënie të bukur.

Jemi dy personazhe të vështira për t’u menaxhuar, kemi shkuar shpesh në përballje, por ka qenë një përballje atërore, si babë e bir. Një herë u grindëm në autobus, i kërkova shoferit të më zbriste. U ktheva në makinën time dhe shkova në shtëpi. Më pas Interi humbi dhe ndodhi një rrëmujë…

Unë kam bërë shumë budallalëqe në jetën time, por gjithmonë e kam vënë fytyrën time në to. Tripleta? Mourinho bëri diferencën, ai nxjerr më të mirën nga lojtarët e vet, i zemëron. Dhe ju, për të reaguar, thyeni gjithçka, nxirrni gjithë adrenalinën në trupin tuaj”.

Disa fjalë për përplasjen me Tottin: "Në një ndeshje në vitet e mëparshme i kisha heshtur tifozët e Romës, por nuk mendoj se ai ishte i zemëruar me mua për këtë arsye. Në finalen e Kupës së Italisë ai ishte i zemëruar me trajnerin, i cili nuk e kishte lënë të luante që në fillim dhe për këtë arsye ishte nervoz. Tottin e respektoj shumë, e dua. Francesco bëri historinë e futbollit italian".