Carlo Ancelotti ka dhënë konferencën për shtyp para ndeshjes kundër Celta. Ai nuk heq dorë nga titulli i La Liga-s, analizon ndryshimin e stilit të lojës së Guardiolës.

Niveli i Celta – "Ne kemi shumë respekt për këtë kundërshtar. Ka një organizim të mirëpërcaktuar, individualitete. Është një ekip që duhet ta respektojmë dhe të bëjmë më të mirën për të fituar".

Guardiola ndryshe – "Unë mendoj se po, stili i lojës së Manchester City ka ndryshuar pak, por është ende një ekip shumë i fortë me një sulmues që shënon shumë gola. Ne duhet të përpiqemi të jemi më të mirë se kundërshtari".

Manchester City favorit – "Kjo nuk është një çështje në kokën time. Ne e dimë që jemi afër një finaleje tjetër të Champions-it. Me Manchester City do të jetë një ndeshje shumë e barabartë, le të shohim se çfarë do të ndodhë".

Lavdërimet e Guardiolës – "Real Madridi është shumë i respektuar dhe kjo është një gjë e mirë. Dhe që një trajner si Guardiola ta thotë atë, edhe më mirë".

Gjysmëfinalja e Champions-it – "Real Madridi dhe Manchester City mund të luajnë në shumë mënyra. Mënyra e sulmit ndryshon pak me Haaland, por ata mund të luajnë një lojë tranzicioni ose më shumë me topin, sepse i kanë këto dy cilësi".

Rodrygo – "Ai ka spikatur më shumë në Champions League dhe ndoshta në La Liga ka marrë pjesë më shumë në lojën e skuadrës. Ai po bën shumë mirë në të gjitha ndeshjet".