Neymar dhe Bruna Biancardi do të bëhen prindër. Ylli brazilian i futbollit dhe e dashura e tij modele (ish e fejuara) kanë njoftuar se janë në pritje të një fëmije së bashku. Foshnja do të jetë e dyta për Ney, pas 11-vjeçarit Davi Lucca.

Çifti po festojnë romancën e tyre të rindezur me një gjë të shtrenjtë gëzimi. Ata nuk kanë treguar nëse do të jetë djalë apo vajzë. Biancardi dhe Neymar filluan të takoheshin në vitin 2021, duke e zyrtarizuar statusin e marrëdhënies së tyre në janar 2022. Më vonë (gusht 2022), megjithatë, ata u ndanë menjëherë pasi njoftuan fejesën e tyre.

Në atë kohë, modelja konfirmoi ndarjen, ndërsa hodhi poshtë thashethemet për tradhtinë: “Unë kam qenë gjithmonë vetvetja dhe ju e dini këtë, por ngaqë vazhdoni të pyesni, do të doja ta bëja të qartë se nuk jam në një lidhje dhe nuk kishte asnjë tradhti. Unë kujdesem shumë për të (Neymar) dhe familjen e tij. Ju lutemi mos e përmendni emrin tim. Faleminderit shumë!"

Në fillim të vitit 2023, dyshja filluan përsëri të takoheshin dhe tani kanë ndërmarrë hapin tjetër në marrëdhënien e tyre: të kenë një fëmijë. Në postimin e tyre të njoftimit, Neymar dhe Biancardi shkruan: "Ne kemi ëndërruar jetën tënde, po planifikojmë ardhjen tënde dhe dije se ju jeni këtu për të blinduar dashurinë tonë dhe për t’i bërë ditët tona shumë më të lumtura".

Influencuesja, e cila mburret me 3.6 milionë ndjekës në IG e mbylli postimin duke shtuar: "Do të bashkohesh me një familje të bukur, me vëllain, gjyshërit, xhaxhallarët dhe hallat që tashmë të duan shumë! Shihemi së shpejti biri/bija, mezi po të presim!"