Dani Alves e ka siguruar gjyqtarin se marrëdhënia që kishte me denoncuesen e tij për për**unim, 23 vjeçe, në klubin e natës “Sutton”, ishte marrëdhënie se*suale konsensuale dhe për rrjedhojë, ai nuk e për**unoi. Ngjarjet ndodhën natën e 30 dhjetorit 2022.

Ky është versioni i katërt i dhënë nga futbollisti brazilian për t’iu përgjigjur analizës së ADN-së së mbetjeve të spermës së gjetur brenda trupit të “viktimës” dhe që zbuloi se ajo ishte depërtuar. Diçka që Alves e kishte mohuar në deklaratën e vetme që kishte bërë para gjyqtarit deri më sot, më 20 janar.

Ish-mbrojtësi i Barcelonës, për të cilin gjyqtari urdhëroi burg pa kusht kur u mor në pyetje pas arrestimit, kërkoi të jepte versionin e tij të asaj që ndodhi para gjykatësit, bazuar në një nen të ligjit të procedurës penale që lejon një person të hetuar të deklarojë sa herë që ai e sheh të përshtatshme gjatë procedurës.

Dani Alves fillimisht u shpreh se nuk e njihte “viktimën”, më vonë pranoi se e kishte takuar të renë në banjën e diskos pa ndodhur asgjë mes tyre dhe në fund, kur gjyqtari krahasoi shpjegimet e tij me provat biologjike, ai pohoi se kishin kryer marrëdhënie konsensuale.

Futbollisti justifikoi ulje-ngritjet e historisë së tij duke argumentuar fillimisht se donte të mbronte të renë dhe më pas se donte të fshihte tradhtinë nga gruaja e tij, modelja Joana Sanz, e cila muajin e kaluar njoftoi përmes rrjeteve sociale synimin për t’u ndarë prej tij pas tetë vitesh martesë.

Është pra versioni i katërt që ai jep dhe që do ta përdorë në gjyqin e ardhshëm, ku mund të përballet me 12 vite burg për faktet me të cilat akuzohet.