Stefano Pioli doli në konferencë për shtyp dhe foli në prag të derbit italian në Champions, Milan-Napoli. Për trajnerin kuqezi ka shumë tema diskutimi, duke filluar nga formacioni i mundshëm, rikuperimi i Kalulu, rikthimi i Gerry Cardinale në Milano dhe mungesa e mundshme e Osimhen te kundërshtari.

Ai ia dedikoi fjalën nigerianit para konferencës për shtyp: "Osimhen është një qendërsulmues i madh, i cili ka shënuar gola në mënyrë të përsëritur si në ligë, ashtu edhe në Evropë. Megjithatë, Napoli kishte fituar gjithmonë pa të para ndeshjes kundër nesh.

Napolitanët kanë sulmin më produktiv në Champions League. Do të jetë një ndeshje e vështirë, por Napoli është i frikshëm edhe pa të”. Një ndryshim i rëndësishëm në mbrojtjen kuqezi: “Edhe Kalulu është rikuperuar, ndaj sa më shumë lojtarë të kemi gati, aq më shumë zgjedhje mund të bëjmë”.

Mbi përgatitjet e duelit europian ndaj Napolit, në çerekfinale të Ligës së Kampionëve, Pioli shtoi: “Ndeshjen e kam përgatitur në të njëjtën mënyrë. Me Osimhen në formacion, Napoli është më i fortë në thellësi, por gjithmonë do ta interpretojmë ndeshjen me konceptet tona. Jemi të qetë, e kemi përgatitur ndeshjen në mënyrën më të mirë. Është një ndeshje e vështirë, e dimë se duhet të bëjmë një paraqitje të shkëlqyer”.

A e rrit moralin e të tijve fitorja e fundit 4-0 ndaj Napolit në kampionat? Pioli përgjigjet kështu: "Champions-i është një tjetër kompeticion. Përplasjet direkte në Serie A ishin dy ndeshje të vështira mes dy skuadrave të forta. Sidoqoftë, çdo ndeshje ka historinë e vet, duhet të përgatitemi për situate të ndryshme”.

3 kampionatet e fundit thonë se mes jush dhe Napolit ka pasur gjithmonë shumë ekuilibër. A do të jetë kështu edhe nesër?

Unë mendoj se po, por do të jetë një gjë krejtësisht ndryshe në Champions. Do të jetë një raund çerekfinal që do të luhet mbi 180 minuta.

A do të firmosnit për 1-0 nesër?

Duhet të luajmë një ndeshje të madhe, kundërshtari kërkon një nivel të lartë të lojës dhe ne jemi të fokusuar në këtë.

Çfarë duhet apo nuk duhet të bëjë Milani?

Duhet të luajmë me kujdes në çdo situatë, sepse Napoli ka cilësi të mëdha dhe mund të përfitojë nga çdo gabim yni. Nuk mund ta ulim këtë nivel të vëmendjes, sepse niveli i kundërshtarit është shumë i lartë.

Maldini, duke folur për Champions League, u ndal tek ëndrrat… A jeni dakord?

Me fuqinë e ëndrrave fituam titullin sezonin e kaluar…