Trajneri i Real Madridit, Carlo Ancelotti, ka filluar të bëjë emër me parashikimet e tij, dhe e fundit e tij do të sjellë buzëqeshje në fytyrën e madrilenëve. Le të fillojmë edhe një herë. Në çerekfinale të Ligës së Kampionëve na pret derbi italian mes Milanit dhe Napolit, në prani të “mbretit” Real Madrid në anën tjetër të llogores.

Tetë skuadra mbetën në lojë, në përpjekje për të fituar trofeun më të lakmuar në finale turke. Në Stamboll, skenën e vjetër dhe të tmerrshme e zhgënjimit të Milanit ndaj Liverpool-it. Nga njëra anë Milani, nga ana tjetër Ancelotti.

Shorti i çerekfinaleve të Ligës së Kampionëve vendosi Maldinin dhe trajnerin e tij të vjetër në anët e kundërta, me një finale të mundshme në Stamboll. Të dy dëshirojnë të harrojnë përmbysjen dramatike dhe historike të Liverpool-it më 2005 (Maldini shënoi golin e parë të kuqezinjve), duke pushtuar qytetin pothuajse dy dekada më vonë.

Për këtë arsye, pas shortit të Champions League, Maldini ka rrëfyer se ka marrë menjëherë një telefonatë nga Ancelotti. Milani do të përballet me Napolin në çerekfinale, me Interin ose Benfica që pret në gjysmëfinale. Ndërkohë, “Los Blancos” do të luajnë këtë javë me Chelsea, me përplasje të mundshme kundër Manchester City ose Bayern Munich në raundin tjetër.

Trajneri italian foli për përballjen mes Milanit dhe Napolit në Champions: "Në këtë lloj ndeshjeje lojtarët do ta ndiejnë presion, por do të jenë shumë të motivuar, kështu që nuk ka nevojë të mbajë kush fjalime motivuese. Fjalimi që do të bëhet lidhet me strategjinë e ndeshjes, duke u përpjekur për t’iu dhënë indikacione të qarta dhe të thjeshta lojtarëve, për t’i bërë ata të ndihen të përfshirë.

Kjo është gjithashtu një mënyrë për të lehtësuar pak presionin, që këto ndeshje e përmbajnë në mënyrë të pashmangshme. A kam folur me Maldinin dhe kam lënë takim me të në finalen e Stambollit?

Kjo ishte mbi të gjitha një dëshirë për Milanin, që më pëlqen. Në realitet, Milan-Napoli do të jetë një ndeshje shumë e ekuilibruar dhe shumë e pasigurt. A do të ishte mirë të takoheshim sërish në Stamboll? Për Realin, po. Mendoj edhe për Milanin, por të gjithë duan të shkojnë në Stamboll”.