Zbigniew Boniek nuk është plotësisht dakord që Robert Lewandowski të kryesojë renditjen e njerëzve me ndikimin më të madh në futbollin polak, siç pretendonte portali "Weszlo". Kështu, në të njëjtin portal, ish-futbollisti i shquar polak ka kritikuar zgjedhjet dhe ka thënë të tijat:

"Unë dhe shokët e mi fituam medalje në kampionatin botëror. Këto janë sukseset që janë ngulitur në kujtesën e njerëzve në Poloni, jo fakti që fituat tetë kampionate gjermane me Bayernin.

Në fund të fundit, lojtarë më pak të mirë të Bayernit, që ishin në atë skuadër, fituan gjithashtu tituj. Sukseset e arritura me klubet jashtë vendit kanë një dimension krejtësisht të ndryshëm nga trofetë e fituar në ekipin kombëtar".

Fjalët e Boniek nuk kanë të ndalur me kaq: “Lëreni të luajë për kombëtaren, por edhe të fitojë diçka me të, sepse vite më vonë njerëzit në Poloni do ta kujtojnë atë që ai bëri dhe arriti me kombëtaren.

Njerëzit në vendin tonë nuk janë veçanërisht të interesuar se sa trofe ke fituar me Bayernin apo Barcelonën. Më duket se për secilin prej nesh, duke luajtur në nivelin më të lartë, në fund të karrierës më e rëndësishmja është ajo që kemi, siç thonë, në listën e fituesve”.

Këto fjalë vijnë në një kohë kur Robert Lewandowski nuk është mjaft i saktë para portës; si me Barcelonën dhe kombëtaren polake.