Noemi Bocchi, partnerja e re e Francesco Tottit, iu nënshtrua një operacioni për të zgjidhur problemin e saj me muskujt e barkut. Lajmin e ka bërë të ditur vetë stilistja e luleve me një postim të publikuar në rrjetet sociale, pak para se të hynte në sallën e operacionit.

Në foto, Noemi Bocchi është portretizuar pranë mjekut që kreu operacionin. Të dy shfaqen duke buzëqeshur, atmosfera duket e relaksuar dhe e qetë. 34-vjeçarja kishte treguar tashmë disa të dhëna për ndjekësit e saj.

Përmes disa historive të shpërndara në profilin e saj në Instagram, në fakt, Noemi Bocchi kishte folur për një ngjarje “shumë të rëndësishme”: "Përgatitjet përfundimtare… Nesër do të jetë një ditë shumë e rëndësishme për mua!!! Doktor Giovanni Giugliano është në rrugën time. E gëzuar që ju zgjodha".

Për të larguar çdo dyshim, ajo më pas ka shtuar hashtagun #diastasiabdominal për të plotësuar përshkrimin e fotos. Muajin e kaluar, Noemi Bocchi, përmes një postimi të gjatë në Instagram, iu kishte treguar ndjekësve se vuante nga "diastaza abdominale".

Partnerja e Tottit kishte shpjeguar se e kishte zbuluar problemin e muskujve të barkut 8 vite pas shtatzënisë së dytë, falë dëshmive të grave të tjera në rrjetet sociale: “Pas 8 vitesh nga shtatzënia e dytë, zbulova se sëmundja që kisha ka një emër dhe përmban të gjitha simptomat. Vuaj nga diastaza abdominale.

Vendosa të bëj pjesën time duke ndarë rrugëtimin personal dhe duke ju treguar edhe për ndjenjat që më ngjalli artikulli mbi shtatzëninë, ndjenjat që krijohen tek të gjitha femrat që kanë këtë patologji dhe iu bëhen pyetje të papërshtatshme”.

Pas rrëfimit të saj, partnerja e ish-kapitenit të Romës kishte folur edhe për ndjenjën e frikës që i shkaktonte ideja për t’iu nënshtruar operacionit: “Unë e di mirë që patologjia që kam mund të kurohet, megjithatë operacioni më frikëson mua, ashtu siç tremb secilin prej jush. Së shpejti shpresoj ta zgjidh përfundimisht këtë shqetësim".