Historia e Josep Guardiolës si trajner ka spikatur për numrin e madh të titujve të fituar, por edhe për menaxhimin e disa prej lojtarëve më të mirë në botë. Në këtë rast, bie në sy se karriera e tij tashmë legjendare si trajner ka qenë e lidhur me tre nga elementët më të rëndësishëm të kohëve të fundit, si Erling Haaland, Lionel Messi dhe Robert Lewandowski, autorë të pesë golave ​​në një ndeshje të vetme.

Stili jashtëzakonisht ofensiv i lojës që Pep propozon në secilën prej skuadrave të tij ka pasur gjithmonë një golashënues që ka spikatur për paraqitjen në kohën kur ishte më i nevojshëm. Kështu bie në sy tashmë rasti i Erling Braut Haaland, i cili nuk ndalet së shënuari në çdo ndeshje, që kur ka mbërritur te Manchester City.

Kjo sapo është parë sërish në instinktin vdekjeprurës që ai tregoi me 5 golat e tij ndaj Red Bull Leipzig, në ndeshjen e kthimit të 1/8 finale të Champions League. Duke u rikthyer te rasti i Pep Guadiolës, futbolli i tij bazohej në një lider udhëheqës.

Fillimisht ishte Messi te Barcelona, ​​më pas Lewandowski te Bayern Munich dhe tani Haaland te Manchester City. Me secilin prej tyre ai jetoi të paktën një ndeshje, duke parë se si shënuan deri në 5 gola.

Pesë golat e Messit

Historia e Guardiolës si trajner filloi kur mori drejtimin e Barçës në vitin 2008, kur mbërriti para largimit të Frank Rijkaard. Aty kishte Ronaldinhon si flamur, por menjëherë pas mbërritjes së tij “stafetën” e mori Leo Messi.

Trajneri katalanas e udhëhoqi argjentinasin në karrierën e tij të re në atë kohë, në mënyrë që të komandonte Barçën. Të dy u bashkuan për të fituar Ligën e Kampionëve, La Liga-n, Botërorin e Klubeve dhe shumë tituj të tjerë. Bie në sy se, në një ndeshje të Barcelonës, Messi shënoi 5 gola në Champions League.

Ishte më 8 marsi 2012, kur Lionel Messi shënoi 5 herë kundër Bayer Leverkusen, ku u regjistrua rezultati dërrmues 7-1 në total.

5 golat e Lewandowskit në 9 minuta

Pep Guardiola e pa këtë dhe u magjeps, por habia e tij ishte edhe më e madhe kur mbërriti te Bayerni dhe mori dpërsipër rejtimin e një qendërsulmuesi të lindur si Robert Lewandowski.

Pikërisht aty, gjesti i tij befasues hyri në histori si “LewanGoalski”, sepse polaku shënoi pesë golat e tij në vetëm nëntë minuta. Ishte data 22 shtator 2017 kur ai tundi rrjetën e Wlfsburgut në minutat 51, 52, 54, 56 dhe 59. Pa dyshim, një rekord për Bundesligën dhe futbollin botëror.

I fundit, Haaland

Tashmë, ka qenë Erling Haaland, i cili ka shënuar pesë golat e tij në Ligën e Kampionëve, në mënyrë që Manchester City të bëhet favorit kryesor për të fituar trofeun e shumëpritur.

Kjo tregon se Josep Guardiola është një trajner që padyshim rrit virtytet e sulmuesve të tij. Stili i tij i lojës sillet rreth shënimit të sa më shumë golave. “Vula” e një trajneri që tashmë është ndër më të mirët e të gjitha kohërave.