Didier Deschamps, trajneri i kombëtares franceze, foli për “Le Parisien’ mbi largimin e diskutueshëm të Benzema në ditët para Kupës së Botës në Katar. I pyetur nëse duhej ta shtynte vendimin e tij për ta bërë dalje lojtarin, ai tha: “Ta thuash këtë është një fyerje. Ka vetëm një të vërtetë dhe Karim e di mirë atë.

Ai u bashkua me grupin më 14 nëntor, pas një periudhe gjysmë inaktiviteti në klubin e tij (ndeshja e tij e fundit me Real Madridin ishte më 2 nëntor kundër Celtic, në të cilën ai luajti 26 minuta). Ai ndoqi një program të individualizuar dhe kthimi i tij në stërvitje kolektive u shty.

Ai nuk kishte, si Raphaël Varane, opsione për të startuar 100% në ndeshjen e parë kundër Australisë. Kur Karim u dëmtua, mjeku ynë e çoi në klinikën Aspetar për një rezonancë magnetike. Karim ia dërgoi rezultatet një mjeku në Madrid, i cili i dha edhe mendimin e tij.

Kur u kthye në hotel, tashmë kishte kaluar mesnata. E takova Karim në dhomën e tij, isha bashkë me mjekun tonë, i cili kishte ardhur për të më dhënë raportin e MRI. Karim është i mërzitur sepse ky Botëror do të thoshte shumë për të. Më tha se kishte vdekur. Në rastin më të mirë, rikthimi i tij në stërvitje nuk mund të vinte para datës 10 dhjetor.

Në deklaratën që bëri në rrjetin e tij social shprehu zhgënjimin e tij se duhej të largohej, por e justifikoi këtë zgjedhje me shqetësimin e tij për të menduar për ekipin. Ne ishim bashkë për rreth 20 minuta. Kur e lashë, i thashë: Karim, nuk ka nxitim. Kur u zgjova të nesërmen, e kuptova se ishte larguar. Ishte vendimi i tij. Ai nuk do t’ju thotë ndryshe, e kuptoj dhe e respektoj këtë.

Benzema luajti në një miqësore me Real Madridin përpara fillimit të Kupës së Botës? A mendoni vërtet se kjo miqësore është e krahasueshme me intensitetin e një gjysmëfinaleje të Kupës së Botës? Vetë Karim më tha se nuk do të ishte gati.

A kishte bdonjë shqetësim nga pjesa tjetër e lojtarëve me Benzema? Aspak. Asnjë lojtar nuk ishte i kënaqur me largimin e tij, sipas asaj që mund të dëgjohej apo perceptohej. Këtë e di edhe Karim. Nuk e di kush i përhap këto thashetheme. Nuk është më as polemikë, por keqdashje. Pse u shfaqën buzëqeshjet te lojtarët? Jo pse Karim na kishte lënë, por sepse skuadra po fitonte.

E telefonova Benzema pas rinovimit të kontratës, kemi pasur një bisedë të gjatë. E kam telefonuar sërish kohët e fundit për të zbuluar predispozicionin e tij për telefonatat e radhës dhe ai konfirmoi vendimin për t’i dhënë fund karrierës me kombëtaren. Mos më pyesni për argumentet e tij, do të jetë në dorën e tij t’i komunikojë ose jo".

Sikurse duket, me këtë “fotografi” të ngjarjeve nuk është dakord vetë Benzema. Sulmuesi i Real Madridit postoi përgjigjen e Deschamps për “Le Parisien” në rrjetet sociale, ku foli për largimin e tij nga kombëtarja, me një mesazh të qartë dhe të fuqishëm: Sa e guximshme! I dashur Didier, natën e mirë”.

Dy fjalitë e shkurtra si përgjigje e tij shoqërohen me fytyrën e një kllouni. Nënkuptimi është i qartë: Trajneri i Francës mashtron me këtë version të ngjarjeve.