Robert Lewandowski siguron se është i lumtur me vendimin për të luajtur te Barcelona. Ylli polak në një intervistë për revistën e klubit katalanas shpreh keqardhje për eliminimet në Kupat e Europës, por të ardhmen e sheh me optimizëm. Ai siguron se Barça ka një skuadër të shkëlqyer dhe thekson rëndësinë e të diturit të evoluimit në futboll.

"ADN-ja e Barçës është të kërkojë gjithmonë një lojë të mirë, por futbolli ndryshon. Ne duhet të përshtatemi. Futbolli i Barcelonës 10 vite më parë nuk funksiononte në të njëjtën mënyrë si tani. Ndoshta ‘tiki-taka’ nuk do të funksiononte tani", – thotë Lewandowski.

Golashënuesi pranon se Barça është në një proces përshtatjeje dhe se është e nevojshme të tregohet e matur: "Në futboll nuk është e lehtë t’i ndryshosh gjërat brenda një jave apo një muaji. Duhet të jesh i duruar. Gjithçka është në rrugën e duhur".

Por pavarësisht kësaj, ai është optimist me ekipin dhe me opsionet për të fituar La Liga-n dhe Kupën e Mbretit: “Duhet të besojmë se gjithçka është e mundur, por është ende herët”.

Në këtë kuptim, ai shpreh keqardhje për eliminimet kontinentale: "Në Champions League, lëndimet na i komplikuan gjërat. Ne kemi një ekip shumë të ri dhe ishte një përvojë për të gjithë. Ishte e vështirë.

Gabimet e vogla ndonjëherë paguajnë një çmim shumë të lartë. Nëse ju dëshironi fitore, nuk mund t’i bëni ato gabime. Tani jemi të fokusuar në La Liga dhe Kupën e Mbretit.

Unë përpiqem t’i ndihmoj shokët e mi, jo vetëm me gola, por edhe me sjelljen dhe mentalitetin tim. Me lojtarët e rinj, e ardhmja e Barcelonës është e sigurt, por ekuilibri mes veteranëve dhe tyre është thelbësor dhe Barça e ka këtë".

34-vjeçari nënshkroi me Barcelonën verën e kaluar deri në qershor të vitit 2026. Nuk ka dyshim se deri kur do të luajë në "Camp Nou": "Unë nuk mendoj se sa kohë do të jem te Barça. Dua të vazhdoj të luaj në nivelin më të lartë edhe për disa vite, nuk do të jenë një ose dy vite, do të jenë më shumë. Këtu kam parasysh më shumë se një klub".