Transmetuar më 09-03-2023, 20:01

TIRANË- Detaje të tjera m♪7sohen nga aksidenti fatal që ndodhi në Tiranë ku dy gra humbën jetën dhe 4 të tjerë mbetën të plagosur.

Dëshmitarë okularë treguan se mjeti ‘Audi’ po vinte me shpejtësi nga Farka drejt Tiranës kur çau barrierat mbrojtëse te rrethrrotullimi i TEG-ut dhe u përplas me një mjet tjetër.

Një nga femrat që humbi jetën doli nga dritarja e mjetit.

Në njoftimin e policisë sqarohet dinamika e ngjarjes dhe bëhet me dije se në drejtimin e mjetit të llojit "Audi" që ra nga mbikalimi ishte një 24-vjeçar me inicialet K.R..

Për pasojë, "Audi" ra mbi kofanon e një makine të llojit "Honda".

Dy vajzat që ishin në makinë me 24-vjeçarin ndërruan jetë.

Drejtuesi i "Audit" dhe katër personat që ndodheshin në makinën tjetër, kanë mbetur të plagosur.

Saktësimi i Policisë:

Rreth orës 17:55, në rrethrrotullimin pranë qendrës tregtare “TEG”, ka ndodhur një aksident rrugor ku janë përfshire automjeti tip "Audi" dhe automjeti tip "Honda".

Referuar mekanizmit dhe të dhënave paraprake dyshohet se automjeti tip "Audi" me drejtues shtetasin K. R., vjeç 24, ka qenë duke udhëtuar ne unazën lindore me drejtim levizje nga Farka per tek rrethrrotullimi pranë Teg, dhe pasi ka humbur kontrollin, duke thyer barrierat rrethuese te mbikalimit, ka përfunduar në autostradën Tiranë-Elbasan, duke aksidentuar automjetin tjetër tip "Honda", me drejtues shtetasin me iniciale Q. K., rreth 60 vjeç.

Si pasojë e aksidentit rrugor kanë humbur jetën dy shtetase të pa identifikuara akoma, të cilat ishin pasagjere ne automjetin "Audi" si dhe ka mbetur i dëmtuar rëndë drejtuesi i këtij automjeti, si dhe shtetasit A. K., 51 vjeç, O. K, 24 dhe Q. K, rreth 60 vjeç, që udhetonin me automjetin tjetër.