Xavi Hernández ishte i pranishëm në inaugurimin e "Casa del Deporte de Terrassa" dhe foli menjëherë pasi presidenti Johan Laporta siguroi se qëllimi i tij është të rinovojë me të si trajner i Barçës, “edhe nëse La Liga nuk fitohet”:

“Fjalët e tij më kanë zënë rrugës. Për mua ai është mik, por fillimisht janë rezultatet dhe më pas rinovimi. Nuk bëhet fjalë për para apo vite, por për klubin që të ecë mirë”.

Ish-lojtari i Barcelonës, i cili e përkufizoi veten si "një i sëmurë futbolli", tregoi se sa e vështirë është ndonjëherë të pajtohet me pozicionin e tij, pasi të jesh trajner i Barçës përfaqëson një punë 24-orëshe. Madje, ai deklaroi se ditët më të këqija të jetës së tij kanë qenë në pankinën e Barçës.

Përfshi edhe faktin e kritikave të qëndrueshme: “Do të qëndroja te Barça gjithë jetën. Është shtëpia ime, por si trajner varem nga rezultatet. Jam gjykuar dhe kritikuar vazhdimisht. Është e vështirë, kam familje dhe fëmijë të vegjël. Ka shumë momente kur nuk shpërblehesh. Ndonjëherë nuk i merr vesh direkt kritikat, por ndonjë shok të telefonon duke të thënë se po të vrasin”.

Xavi iu kthye edhe kritikave për lojën tejet mbrojtëse kundër Real Madridit: “Nëse dikush përfaqëson ADN-në e Barçës, ai jam unë. Dua kontrollin e topit, por luan edhe kundërshtari. Ka raste kur keni një plan loje, por duhet të përshtateni me atë që keni përballë. Si mund t’ia hiqni topin Kroos dhe Modric?”

Xavi ripohoi gjithashtu se nuk ka debat për stilin e lojës: “Si mund të shkoj kundër një stili që përfaqësoj? Nuk do ta tradhtoja kurrë stilin që më ka ushqyer. Nëse jam dikush në botën e sportit, kjo është falë tij”.

Ai iu referua edhe momentit që po kalon skuadra dhe se "të gjithë do të kishin nënshkruar për të qenë 9 pikë para Real Madridit në mars, edhe pse tani ka ardhur momenti i së vërtetës”. Xavi nuk e fshehu se pret përforcime për të ardhmen: “Jemi në një situatë të vështirë ekonomike, por do forcohemi me siguri. Duhet të jemi më konkurrues në Evropë, ky është provimi që nuk e kemi kaluar ende me sukses deri tani".