Kampion bote vetëm 19 vjeç, "mbreti" i PSG vetëm 24 vjeç. Në më pak se gjashtë sezone, lojtari i datëlindjes 1998 i ka tejkaluar të gjithë. Ai është golashënuesi më i mirë në historinë e PSG, pasi ka thyer rekordin e golave që i përkiste Cavanit.

Mbappé udhëton me mesatarisht një gol çdo 98 minuta, në këtë vit tashmë ka arritur në 30 gola. Ndërkohë, midis një goli dhe një tjetri, ai ka arritur të mbledhë edhe 95 asiste. Ja top 5 shënuesit më të mirë të PSG, listë që kryesohet nga Mbappe.

2. EDINSON CAVANI (200 gola)

Rritja e "Matador" ka qenë më pak e shpejtë se ajo e Mbappe. Uruguajani arriti shifrën 200 gola në shtatë sezone, përpara se të transferohej te Manchester United në verën e vitit 2020. Pasi lulëzoi në Palermo dhe u bë i madh te Napoli, Cavani u largua nga Parisi pas 301 paraqitjeve në ndeshjet zyrtare. Kylian, për të mposhtur rekordin e tij të golave, iu deshën vetëm 247 ndeshje…

3. ZLATAN IBRAHIMOVIC (156 gola)

Duke vlerësuar mesataren e përgjithshme të golave, Ibra është i vetmi që e ka atë pothuajse në të njëjtin nivel me Mbappé: një gol çdo 98 minuta për francezin, një gol çdo 97 minuta për suedezin. Zlatan sot është 41 vjeç dhe së fundi është rikthyer në fushë me fanellën e Milanit, por mes viteve 2012 dhe 2016 ka bërë që tifozët e "Parce des Princes" të ëndërrojnë. Në vjeshtë ai deklaroi: “Messi, Kylian dhe Neymar te PSG? Nuk mjaftojnë vetëm për të fituar Ligue 1, sepse Zoti i tyre nuk është më aty…”

4. NEYMAR (118 gola)

Podiumi është ende larg: ylli brazilian deri më tani ka luajtur 173 ndeshje me parizienët dhe ka shënuar mesatarisht 0.70 gola për ndeshje. Në shkurt, "O Ney" mbushi 31 vjeç, një moshë që mund ta shtyjë Al Khelaifi ta shesë në verë. Në rast ndarjeje do të ishte e vështirë të imagjinohej një parakalim i Zlatanit.

5. PAULETA (109 gola)

Duket si një jetë më parë, por deri në vitin 2015 askush nuk kishte arritur ende të bënte më mirë se ai. Sulmuesi portugez (88 paraqitje dhe 47 gola për ekipin e tij kombëtar) luajti në Paris midis viteve 2003 dhe 2008, duke fituar titullin e golashënuesit më të mirë në historinë e klubit. Ishte një rekord befasues, të cilin Mbappé dhe bashkëpunëtorët e tij e thyen një dekadë më vonë.