Sulmuesi i Real Madridit, Karim Benzema, ka dërguar një mesazh në lidhje me çmimet “The Best” të FIFA-s, të cilin e ka ndarë me mbi 66.6 milionë ndjekësit e tij në Instagram.

Futbollisti francez ka publikuar në Instagram një imazh me të gjithë titujt, trofetë dhe çmimet që ka fituar me Real Madridin dhe kombëtaren transalpine në periudhën kohore që vlerëson “The Best FIFA Awards 2022”. Po kështu, Benzema theksoi 63 golat dhe 21 asistet e tij.

Leo Messi ishte fituesi i çmimit më të mirë të FIFA-s për vitin 2022. Karim Benzema dhe Kylian Mbappé shoqëruan argjentinasin në atë podiumin hipotetik të “FIFA The Best”.

Benzema, “Topi i Artë” i fundit, nuk e harroi shokun e tij të skuadrës Vinicius Jr., i cili edhe pse një nga futbollistët më të spikatur në botë në muajt e fundit, nuk hyri në 11-shen ideale, sipas çmimeve “FIFA The Best”.

Sulmuesi francez ndau një foto me Vinicius, mbi të cilën shkroi "The Beasts". Menjëherë pas kësaj, Benzema ka uruar “natën e mirë” për të gjithë ndjekësit e tij. Përgjigja e Leo Messit nuk ishte e gjatë. "Pleshti" ka postuar dy foto, që janë bërë histori tashmë.

Ylli i PSG-së në fakt ka ribotuar imazhet e tij që ngre Kupën e Botës në Katar, i bindur se ky sukses kontribuoi me vendosmëri në fitimin e çmimit të dhënë nga FIFA. Por kjo nuk është e gjitha: Për "The Best FIFA", Messi votoi të parin Neymar. Në vendin e dytë votoi Kylian Mbappe dhe në të tretin, Karim Benzema, i cili e mposhti atë në luftën për edicionin e fundit të "Topit të Artë".