Del një video e regjistruar në momentet e para pas përplasjes vdekjeprurëse të dy trenave në Tempe që la dhjetëra të vdekur dhe të plagosur.

Kjo video tregon se çfarë mbizotëronte në makina në sekondat e para të tragjedisë.

Me zëra që dridheshin dhe dukshëm të tronditur nga përplasja e ashpër, pasagjerët i thërrasin njëri-tjetrit të largohen nga karrocat fatale, në një britmë dëshpërimi për jetën.

“Të gjithë jashtë! Po dalim të gjithë, shpejt, shpejt, ka zjarr!”, dëgjohet, ndërsa pasagjerët më gjakftohtë i pyesin pasagjerët e tjerë “a jeni mirë?”. dhe i drejtojnë ata të gjejnë një rrugë shpëtimi nga vagoni.

Në videon, e cila është realizuar nga një pasagjer i vagonit të katërt, shihen xhamat e thyer, si dhe flakët nga zjarri që përfshiu pjesën e përparme të trenit.

Tre vagonë u shkëputën në këtë tragjedi hekurudhore ku raportohen 36 të vdekur dhe mbi 50 të plagosur. Mes të lënduarve janë pesë shqiptarë. Dyshime ka për një tjetër shqiptar që rezulton i humbur.