Vëmendje të madhe ka marrë këto ditë edhe historia e dashurisë mes Kristit dhe Keisit, të cilët ende nuk e kanë pranuar totalisht se janë të dashur dhe ende nuk e kanë dhë puthjen e parë, por kanë pranuar pëlqimin që kanë për njëri-tjetrin dhe afrimiteti dhe prekjet mes tyre nuk mungojnë.

Në fillim të edicionit Kristi ka deklaruar se ka lënë një lidhje pezull jashtë me një vajzë të huaj, e cila tashmë është zbuluar dhe quhet Zaza e me anë të disa postimeve në Instastory ditën e sotme ka zbuluar se si ndjehet nga e gjithë kjo situatë, të cilën nuk po e kalon aq lehtë dhe i falenderon të gjithë ata që e kanë mbështetur dhe i kanë qëndruar afër.

Nuk mund të them me fjalë se sa e prekur jam nga kaq shumë njerëz që më kontaktuan dhe më ngushëlluan. Mesazhet e mia janë të tejmbushura dhe do të doja t’i përgjigjem secilit prej jush, por nuk kam forcën për ta përballuar tani gjithë këtë. Shpresoj që të gjithë të qëndroni të bekuar dhe shpresoj që Zoti t’ju japë të gjithëve dyfishin e dashurisë që njerëzit po më japin tani. Më lehtëson vërtet të di se njerëzit që as nuk më njohin, e shohin të vërtetën dhe e vlerësojnë moralin! Nuk jam mirë dhe do të më duhet pak kohë që të shërohem dhe të kuptoj disa gjëra që po më ndodhin para syve. Unë vij nga një familje e dashur, e kujdesshme dhe e arsimuar që më ka mësuar se vlerat në jetë janë brenda së vërtetës, moralit dhe aftësisë për të qëndruar etik, edhe kur gjërat bëhen të vështira. Nuk do të komentoj më tej për këtë, pasi besoj se kjo gjë është kuptuar nga të gjithë. Që nga fillimi i njerëzimit, e vërteta gjithmonë ka mbrojtur të drejtët. Falenderoj secilin prej jush nga thellësia e zemrës sime!