Dy persona të armatosur kanë vrarë shtatë persona, duke përfshirë një vajzë 12-vjeçare, me armë gjahu dhe pistoleta në një lokal në Brazil pasi humbën dy ndeshje radhazi.

Pamjet e kamerave të martën në Sinop City, Mato Grosso, tregojnë momentin kur një autor me një pistoletë në dorë urdhëroi pengjet e tij të rreshtoheshin kundër një muri, ndërsa bashkëpunëtori i tij mori atë që duket të ishte një armë gjahu nga një kamion aty pranë.

Pak çaste më vonë, i armatosuri i dytë kthehet në sallë dhe dyshja fillojnë të qëllojnë me armë shumë afër, duke mos u lënë atyre asnjë shans për të shpëtuar.

Policia tha se sulmuesit, të cilët u identifikuan si Edgar Ricardo de Oliveira, 30 vjeç dhe Ezequias Souza Ribeiro, 27 vjeç, u larguan nga vendi i ngjarjes dhe janë ende në arrati.

Delegati i Policisë Civile, Braulio Junqueira, shpjegoi se Oliveira kishte luajtur një lojë bilardo me një prej viktimave të martën në mëngjes dhe kishte humbur rreth 4,000 reai (640 £).

Pasdite, ai u kthye me Ezequiel dhe sfidoi burrin për herë të dytë, por humbi përsëri, duke i bërë kalimtarët të qeshin.

Poshtërimi dhe refuzimi për të paguar bëri që dyshja të masakrojë pothuajse të gjithë të pranishmit.