Të martën, më 21 shkurt 2023, në Rai2, në "prime" rikthehet "Belve", programi i krijuar dhe drejtuar nga Francesca Fagnani. Mes të ftuarve të episodit do të jetë Wanda Nara, menaxhere dhe prezantuese sportive argjentinase, e njohur mbi të gjitha për jetën e saj mjaft intensive të dashurisë.

Që sonte do të startojë një cikël prej pesë episodesh kushtuar burrave dhe grave të paepur(a), ambiciozë dhe të fortë, të cilët nuk mund të mos i dëgjojmë. Në regjistrimin e episodit, Wanda Nara shfaqet çuditërisht në studion e "Belve" me Mauro Icardin për të bërë një bilanc të jetës së saj të dashurisë, marrëdhëniet me paratë dhe suksesin.

Në mënyrë të habitshme, Wanda ofron një portret të jetës së saj sa të vërtetë, edhe qesharak: “Ai (Icardi) është burri im dhe mendoj se do të jemi një familje për gjithë jetën”.

Më pas, ajo saktëson: "Po, jemi bashkë. Nuk e di nëse jemi rikthyer bashkë. Ne kemi qenë gjithmonë një familje, padyshim që jam me Mauro për gati 10 vite. Ai është 29 vjec, pra praktikisht gjithë jetën e tij me mua”.

Dhe, kur Françeska Fagnani e ngacmoi me pyetjen "pra, për këtë fundjavë mund të themi që jeni akoma bashkë", Wanda Nara, duke qeshur, përgjigjet: "Shpresojmë përjetë! Jo vetëm për këtë fundjavë".

E shtyrë nga pyetjet e drejtueses së emisionitnë lidhje me mesazhet e "kurorëzimit" që dyshohet se ka marrë nga Keita Baldé, Wanda Nara thotë se ia ka treguar ato Icardit:

"La belvitudine accompagnerà tutte le interviste per raccontare al meglio il personaggio.Ospiti della prima serata: @Ignazio_LaRussa, Anna Oxa, Wanda Nara e Naike Rivelli.Nello studio nuovo ci sarà anche il pubblico".@francescafagnan conduce #Belve pic.twitter.com/fi7YXR1qv7

— Ufficio Stampa Rai (@Raiofficialnews) February 20, 2023

"Ndonjëherë, kur marr disa mesazhe, gjithmonë i besoj atij për t’i thënë: Shiko kush më ka dërguar sms. Kjo vlen sidomos nëse ai e njeh këtë person. Janë gjëra private, nuk është se unë do t’jua them mesazhet”.

Duke shfrytëzuar rastin, Francesca Fagnani thekson: “Duhet thënë se bashkëshortja e Keita nuk e ka vlerësuar shumë dhe ka shkruar: Ka gra serioze, të ndjeshme, të sinqerta dhe sensuale. Më pas janë ato gra që quhen ‘Wacche’, prandaj le të themi se është një referencë jo shumë e maskuar”.

Sipërmarrësja i përgjigjet: "E shëmtuar. E kuptoj që ndonjëherë femrat, në vend që ndoshta të zemërohen me personin pranë tyre, preferojnë të inatosen me gruan tjetër". Për zgjedhjen e Icardit për t’u larguar nga Interi, Nara shpjegon qartë: "Nuk ishte një zgjedhje sportive, e bëmë për paratë".

Ishte Mauro Icardi, ai që nisi thashethemet për flirtin e supozuar mes Wanda Nara dhe Keita Baldé, i cili i kishte thënë gazetarit spanjoll Jordi Martin se gruaja e tij e kishte tradhtuar me Keita, kur ata ishin bashkëlojtarë tek Interi, dhe se donte t’i tregonte gjithçka gruas së tij, Simona Guatieri.

Çifti, i vënë në pikëpyetje, mohoi menjëherë gjithçka, por thashethemet vazhduan të qarkullonin. Simona Guatieri kishte publikuar më pas një frazë provokuese në rrjetet e saj sociale: "Ka seri femrash, të ndjeshme, të sinqerta, sensuale. Dhe pastaj janë ato femra që quhen ‘Wacche’ në zhargonin italian".