Maliq- Vdes gjatë transportit me ambulancë një 50-vjeçar.

Ngjarja ka ndodhur rreth orës 16:26.

Gjatë rrugës kur po transportohej me ambulancë drejt spitalit të Korçës, ka humbur jetën H. B., rreth 50 vjeç, banues në fshatin Zvezdë, Maliq.

Nga të dhënat e para dhe dëshmitë e marra familjarëve të tij, dyshohet se ky shtetas duke qenë në gjendje të dehur, është rrëzuar në banesën e tij dhe për pasojë ka marrë dëmtime në kokë.

Grupi hetimor po punon për sqarimin e rrethanave të ngjarjes dhe përcaktimin e shkaqeve të vdekjes.