Transmetuar më 17-02-2023, 10:43

Rinovimi i Leo Messit me Paris Saint Germain mbetet i mbuluar me mister. Marrëveshja, e paralajmëruar para Kupës së Botës, nuk duket të jetë aq e afërt në realitet. Babai i kampionit argjentinas u takua me drejtuesit e PSG-së të mërkurën.

Një takim ballë për ballë që megjithatë nuk çoi në një marrëveshje përfundimtare. Asnjë akord për rinovim, asnjë zgjatje e kontratës aktuale që skadon në qershor. Siç raporton "L’Equipe", optimizmi i disa javëve më parë është zbehur.

Gazeta franceze thekson se bisedimet për rinovimin e Messit kanë ngecur, duke u përpjekur të kuptojë propozimin e vërtetë të Inter Miami, gati ta mbulojë me ar kampionin e botës për ta marrë të luajë në MLS.

Ndërkohë, një udhëtim i Jorge Messit (babai i dhe menaxheri i futbollistit) po shkakton diskutime, duke ndezur thashethemet për të ardhmen e djalit të tij. Messi senior, pas takimit me drejtuesit e PSG-së, zbarkoi në Barcelonë. Arsyeja e udhëtimit të tij në Spanjë mbetet e mbuluar me mister.