Bëhen bashkë babë e bir në veprim, në fushën e blertë: Ibra junior dhe Ibra senior. Kuriozë, ndjellës, por në fund i bashkon gjithmonë puna. Dje në Milanello, babë e bir (më i madhi) u gjendën në të njëjtin ekip dhe padyshim që kjo nuk kaloi pa u vënë re.

Rastin e ofroi ndeshja mes atyre që nuk luajtën, ose luajtën më pak kundër Tottenhamit dhe ekipit U-18 të Milanit. Është skuadra kuqezi e trajnerit Terni, në të cilën luan Maximilian, djali i madh i Zlatan.

Ibra u aktivizua me U-18 dhe drejtoi sulmin, ndërsa Maximilian veproi në të majtën e tij. 16 vjeç, i lindur në shtator 2006, "djali i artit" luan si sulmues anësor dhe së bashku me vëllain e tij më të vogël, Vincent, një vit më i vogël, gjithashtu në sektorin e të rinjve kuqezi, kompletojnë një familje tërësisht kuqezi.

Për statistikë duhet të përmendim një dygolësh të De Ketelaere (që e ka në ndërgjegje gabimin e keq ndaj Tottenham) dhe një gol të bukur të Rebic. Ndërsa për Zlatan, megjithatë, programi i punës vazhdon për të rritur gradualisht autonominë.

Dhe kush e di, ndoshta minutat e tij të para në fushë mund të mos jenë të shtunën në Monza, nën syrin e miqve të tij Berlusconi dhe Galliani.